Diwali Sweets Recipe: बाजारात मिळणाऱ्या रसगुल्लापासून बनवा दोन प्रकारच्या मिठाई, टेस्ट एकदम जबरदस्त
Desserts Recipe for Diwali: तुम्हाला दिवाळीसाठी काही वेगळी मिठाई ट्राय करायची असेल तर तुम्ही रसगुल्लापासून हे दोन प्रकारच्या रेसिपी बनवू शकता. हे बनवायला सोपे आणि खायला टेस्टी आहे.
Different Types of Desserts from Readymade Rasgulla: दिवाळीचा सण ५ दिवस चालतो. अशा परिस्थितीत घरात मिठाई आणि पाहुण्यांचा ओघ सुरूच असतो. प्रत्येकाचे तोंड गोड करण्यासाठी रोज वेगळी मिठाई बनवण्याचा विचार करत असाल तर आज आम्ही रसगुल्ल्यापासून दोन वेगवेगळ्या मिठाई बनवण्याच्या रेसिपी घेऊन आलो आहोत. नेहमीच्या त्यात त्या मिठाई खाऊन कंटाळा आला असेल आणि झटपट काहीतरी वेगळं बनवायचं असेल या मिठाई ट्राय करू शकता. चला तर मग जाणून घेऊया दोन रेसिपी.
बाजारातील छेनापासून बनवा इंस्टंट रसमलाई
जर तुम्ही बाजारातून रसगुल्ला विकत घेतला असेल, तर तुम्ही रसगुल्ल्याप्रमाणेच नाही तर या दोन प्रकारे सर्वांना खायला देऊ शकता.
इंस्टंट रसमलाई बनवण्यासाठी साहित्य
- १ लिटर दूध
- केशर
- अर्धी वाटी साखर
- तयार रसगुल्गुला
इंस्टंट रसमलाई बनवण्याची पद्धत
झटपट रसमलाई बनवण्यासाठी प्रथम एका जाड तळाच्या भांड्यात दूध उकळवा. हे दूध घट्ट झाल्यावर त्यात केशर आणि साखर घालून मंद आचेवर घट्ट करा. आता गॅस बंद करा. तयार रसगुल्ल्यातून पाक हाताने चांगले दाबून काढा. आता हे रसगुल्ले लाटण्याने दाबा. जेणेकरून ते थोडेसे सपाट होईल. रसगुल्ले फुटणार नाहीत याची काळजी घ्या. फक्त हे सपाट रसगुल्ले गरम कंडेन्स्ड मिल्कमध्ये बुडवा आणि वरती केशरने सजवा. चविष्ट इंस्टंट रसमलाई तयार आहे
रसगुल्लापासून बनवा चविष्ट मिठाई
तुम्हाला हवे असल्यास रसगुल्ल्यापासून चविष्ट मिठाई देखील बनवू शकता. हे बनवण्यासाठी तुम्हाला फक्त या गोष्टी लागतील-
- १ लिटर दूध
- १ चमचा वेलची पावडर
- १ कप साखर
- तयार रसगुल्ले
रसगुल्यापासून मिठाई बनवण्याची पद्धत
मिठाई बनवण्यासाठी एका भांड्यात दूध घट्ट करा. सतत ढवळत असताना रबडी पेक्षा घट्ट होईपर्यंत शिजवा. लक्षात ठेवा की दुधापासून खवा तयार करू नये. दूध घट्ट होऊन पेस्टसारखे झाल्यावर त्यात साखर आणि वेलची पूड घालून जलद मिक्स करा. गॅस बंद करा आणि ते थंड होईपर्यंत ढवळत राहा. आता रसगुल्ल्यातील रस हाताने दाबून घ्या. जेणेकरून ते पूर्णपणे कोरडे होतील.
आता या रसगुल्लाचे दोन भाग करा. आता तयार केलेले कंडेन्स्ड दूध पाइपिंग बॅगमध्ये ठेवा आणि प्रत्येक कापलेल्या भागावर टाकून लाल चेरीच्या तुकड्यांनी सजवा.
