Diwali 2024: दिवाळीत वापरा 'या' ५ बेस्ट फॅशन टिप्स, तुमच्यावरून हटणार नाही नजर
Diwali Fashion Trends: इतर दिवसांपेक्षा सणाच्या निमित्ताने लोकांना वेगळे आणि आकर्षक दिसावेसे वाटते. अशा परिस्थितीत दिवाळीच्या निमित्ताने काही सोप्या टिप्सचा अवलंब करून तुम्ही अधिक स्टायलिश लुक मिळवू शकता.
Diwali Fashion Tips: दिवाळीची जय्यत तयारी सुरू आहे. सणासुदीच्या निमित्ताने स्टायलिश आणि सुंदर दिसावे अशी प्रत्येकाची इच्छा असते. पूजेसाठी आणि कुटुंबासह अविस्मरणीय सण साजरे करण्यासाठी लोक नवीन आणि फॅशनेबल कपडे घालून चांगली तयारी करतात. इतर दिवसांपेक्षा सणाच्या निमित्ताने लोकांना वेगळे आणि आकर्षक दिसावेसे वाटते. अशा परिस्थितीत दिवाळीच्या निमित्ताने काही सोप्या टिप्सचा अवलंब करून तुम्ही अधिक स्टायलिश लुक मिळवू शकता. सणात विशेष दिसण्यासाठी कपड्यांचा रंग, त्यांची शैली आणि डिझाइनकडे लक्ष देणे आवश्यक आहे. तसेच, तुमच्या त्वचेची निगा, मेकअप, दागिने आणि हेअरस्टाईल तुमच्या पोशाखाशी सुसंगत असल्यास तुम्हाला एक परिपूर्ण लुक मिळू शकेल. दिवाळीच्या निमित्ताने पारंपारिक एथनिक कपड्यांमधून तुम्ही स्वत:ला स्टाईल करू शकता. दिवाळीत परफेक्ट लुक मिळवण्यासाठी या पाच सोप्या फॅशन टिप्स फॉलो करा.
१) पोशाख निवडणे-
सणासुदीला आकर्षक दिसण्यासाठी प्रसंगानुसार कपडे निवडा. भारतीय सणांमध्ये पूजा होते. अशा प्रसंगी भारतीय पारंपरिक पोशाख निवडू शकतात. दिवाळीला साडी खूप सुंदर लुक देईल, पण जर तुम्हाला पारंपारिक लुकसोबत स्टायलिश दिसायचे असेल तर तुम्ही इंडो वेस्टर्न आउटफिटचा अवलंब करू शकता. यामुळे तुम्हाला पारंपारिक लुकसोबत मॉडर्न टच मिळेल.
२) कपड्यांचा रंग निवडणे-
पोशाखाबरोबरच प्रसंगानुसार कपड्यांचा रंगही निवडा. पिवळे, लाल, केशरी रंगाचे कपडे दिवाळीनिमित्त अतिशय आकर्षक दिसतील. हे सर्व रंग पूजेतही शुभ मानले जातात. सणासुदीच्या रंगानुसार मुले शर्ट किंवा कुर्ताही कॅरी करू शकतात.
३)आऊटफिट्सनुसार हेअरस्टाईल-
दिवाळीत तुम्हाला रोजच्यापेक्षा वेगळे दिसायचे असेल, तर तुमच्या हेअरस्टाइलकडे विशेष लक्ष द्या. चांगली हेअरस्टाइल करून साधा पोशाखही आकर्षक बनवता येतो. मुलेही सणासुदीला त्यांच्या हेअरस्टाईलमध्ये काही बदल करून वेगळे दिसू शकतात.
४)ॲक्सेसरीज आणि ज्वेलरी-
मुलं-मुली दिवाळीच्या निमित्ताने सुंदर पोशाख तसेच दागिने किंवा ॲक्सेसरीजने त्यांचा लुक सुंदर बनवू शकतात. महिलांनी त्यांच्या लूकमध्ये त्यांच्या कपड्यांना पूरक अशा दागिन्यांचा समावेश करावा. जड किंवा हलके दागिने घाला. तुमचे कपडे आणि प्रसंगानुसार चप्पलही निवडा.
५) त्वचेची काळजी आणि मेकअप-
धूळ आणि सूर्यप्रकाशात तुमची त्वचा घाण होते. सणापूर्वी तुमची त्वचा उजळण्यासाठी तुम्ही घरगुती उपाय करून पाहू शकता किंवा ब्युटी पार्लरमध्ये फेशियल आणि क्लिनअप करून घेऊ शकता. डेड स्किन काढून तुम्ही तुमचा चेहरा उजळवू शकता. उत्सवासाठी तयार होत असताना, तुम्ही तुमचा लुक पूर्ण करण्यासाठी मेकअपचा अवलंब करू शकता. लिपस्टिक, योग्य काजळ, मस्करा इत्यादींनी तुम्ही तुमचा लूक सुंदर बनवू शकता.
संबंधित बातम्या