Disease X : लहान मुलांमध्ये वेगाने वाढतोय डिसीस एक्सचा धोका, जाणून घ्या कसा पसरतो 'हा' आजार
Disease X Symptoms In Marathi: संक्रमित लोकांमध्ये फ्लू सारखी लक्षणे आढळून आली आहेत, ज्यात मुख्य म्हणजे उच्च ताप आणि तीव्र डोकेदुखी. रॉयटर्सचा अहवाल (संदर्भ) वैद्यकीय संघ रोग निश्चित करण्यासाठी नमुने गोळा करत आहे आणि तपासत आहे.
What Is Disease X In Marathi: डेमोक्रॅटिक रिपब्लिक ऑफ काँगोच्या दक्षिण-पश्चिम प्रांतात, नोव्हेंबर महिन्यात एक्स रोगामुळे 143 लोकांचा मृत्यू झाला आहे. संक्रमित लोकांमध्ये फ्लू सारखी लक्षणे आढळून आली आहेत, ज्यात मुख्य म्हणजे उच्च ताप आणि तीव्र डोकेदुखी. रॉयटर्सचा अहवाल (संदर्भ) वैद्यकीय संघ रोग निश्चित करण्यासाठी नमुने गोळा करत आहे आणि तपासत आहे. आश्चर्याची बाब म्हणजे संसर्ग झालेल्यांची संख्या सातत्याने वाढत आहे. उपचाराअभावी आजारी माणसांचा घरातच मृत्यू होत आहे. महिला आणि लहान मुलांना या आजाराचा सर्वाधिक त्रास होतो.
डब्ल्यूएचओने सांगितले की त्यांना गेल्या आठवड्यात या आजाराची माहिती मिळाली होती. WHO काँगोच्या सार्वजनिक आरोग्य मंत्रालयाच्या सहकार्याने या आजाराची तपासणी करत आहे. परिस्थिती अत्यंत गंभीर आहे आणि बाधित भागात औषधे आणि उपचारांचा अभाव अधिक भयावह बनत आहे.
रोग एक्स काय आहे?
रोग सोप्या भाषेत समजून घ्यायचे झाल्यास, डिसीज X म्हणजे त्या रोगांचा किंवा संसर्गाचा संदर्भ,ज्याबद्दल सध्या कोणालाच माहिती नाही. उदाहरणार्थ, WHO ने सर्वप्रथम रोगाचा उल्लेख २०१८ मध्ये केला होता. त्यांनंतर एका वर्षाने म्हणजेच २०१९ मध्ये कोरोना महामारीने धुमाकूळ घातला होता.
लहान मुलांना अधिक धोका-
आफ्रिका सेंटर्स फॉर डिसीज कंट्रोल अँड प्रिव्हेंशनचे संचालक जीन कासेया यांनी सांगितले की, काँगोमध्ये नोंदवलेल्या 376 प्रकरणांपैकी सुमारे 200 प्रकरणे 5 वर्षांपेक्षा कमी वयाच्या मुलांमध्ये आहेत. क्वांगो प्रांतातील पांझी हेल्थ झोनमध्ये 24 ऑक्टोबर रोजी हा आजार पहिल्यांदा दिसून आला होता.
रुग्णांमध्ये गंभीर लक्षणे दिसतात-
ताप, डोकेदुखी, खोकला, श्वास घेण्यास त्रास होणे आणि अशक्तपणा यांसारखी फ्लू सारखी लक्षणे X डिसीजने ग्रस्त रुग्णांमध्ये दिसतात. श्वसनाच्या आजारांसोबतच मलेरिया आणि गोवर यांसारख्या इतर आजारांवरही तज्ञ तपासणी करत आहेत.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
संबंधित बातम्या