Diabetes Tips: डायबिटीसच्या रुग्णांसाठी वरदान आहेत 'हे' मसाले, औषधांशिवाय नियंत्रणात राहील ब्लड शुगर
Remedies to Control Blood Sugar: . मधुमेहाच्या रुग्णांना त्यांच्या आहारात अशा गोष्टींचा समावेश करण्याचा सल्ला दिला जातो, ज्यामुळे रक्तातील साखर नियंत्रित ठेवण्यास मदत होते.
Diabetes home remedies: आजकाल खाण्यापिण्याच्या चुकीच्या सवयी आणि खराब जीवनशैलीमुळे मधुमेह ही एक सामान्य समस्या बनली आहे. मधुमेहामध्ये स्वादुपिंड पुरेसे इन्सुलिन तयार करत नाही, ज्यामुळे रक्तातील साखरेची पातळी अनियंत्रितपणे वाढू लागते. दुर्दैवाची गोष्ट म्हणजे मधुमेह हा असा रोग आहे, जो पूर्णपणे नष्ट होऊ शकत नाही. केवळ औषधे, योग्य खाण्याच्या सवयी आणि जीवनशैलीतील बदल यानेच यावर नियंत्रण ठेवता येते. मधुमेहाच्या रुग्णांना त्यांच्या आहारात अशा गोष्टींचा समावेश करण्याचा सल्ला दिला जातो, ज्यामुळे रक्तातील साखर नियंत्रित ठेवण्यास मदत होते. तुम्हाला माहिती आहे का की, तुमच्या स्वयंपाकघरात ठेवलेले काही मसाले रक्तातील साखरेची पातळी नियंत्रित करण्यासाठी प्रभावी ठरू शकतात? आज या लेखात आम्ही तुम्हाला अशाच काही मसाल्यांबद्दल सांगणार आहोत, ज्यांचे सेवन रक्तातील साखरेचे प्रमाण नियंत्रित ठेवण्यास मदत करू शकते.
मेथी-
मेथीचे सेवन मधुमेहाच्या रुग्णांसाठी खूप फायदेशीर मानले जाते. वास्तविक, यामध्ये फायबर मुबलक प्रमाणात असते. जे कार्बोहायड्रेट्सचे शोषण कमी करून रक्तातील साखरेची पातळी नियंत्रित करण्यास मदत करते. याशिवाय, शरीरातील इन्सुलिनचा स्राव देखील वाढवते. ज्यामुळे मधुमेह नियंत्रित होण्यास मदत होते. यासाठी रात्री झोपण्यापूर्वी एक ग्लास पाण्यात एक चमचा मेथीचे दाणे भिजवा. दुसऱ्या दिवशी सकाळी रिकाम्या पोटी याचे सेवन करा.
दालचिनी-
मधुमेहाच्या रुग्णांसाठी दालचिनी खूप फायदेशीर आहे. यामध्ये अँटी-इंफ्लेमेटरी आणि अँटीऑक्सिडंट गुणधर्म असतात. ज्यामुळे रक्तातील साखरेची पातळी नियंत्रित ठेवण्यास मदत होते. हे इंसुलिनची संवेदनशीलता सुधारते, ज्यामुळे रक्तातील साखरेची वाढ रोखण्यास मदत होते. यासाठी तुम्ही सकाळी रिकाम्या पोटी दालचिनीचा चहा घेऊ शकता.
जिरे-
जिरे मधुमेह नियंत्रणात उपयुक्त ठरू शकते. यामध्ये अँटिऑक्सिडंट्स आणि अँटी-इंफ्लेमेटरी गुणधर्म असतात. जे रक्तातील साखरेची पातळी नियंत्रित ठेवण्यास मदत करतात. याव्यतिरिक्त, त्याचे सेवन इंसुलिनची पातळी वाढविण्यात देखील मदत करू शकते. यासाठी तुम्ही सकाळी रिकाम्या पोटी जिऱ्याचा चहा किंवा पाणी घेऊ शकता.
लवंग-
लवंगाचे सेवन मधुमेहाच्या रुग्णांसाठी फायदेशीर ठरू शकते. यामध्ये व्हिटॅमिन सी आणि अँटीऑक्सिडंट गुणधर्म असतात. जे रक्तातील साखरेची पातळी नियंत्रित ठेवण्यास मदत करतात. याच्या नियमित सेवनाने पचनक्रिया सुधारते आणि वजन कमी करण्यासही मदत होते.
हळद-
मधुमेह नियंत्रणात ठेवण्यासाठी हळद अत्यंत गुणकारी आहे. यामध्ये अँटीऑक्सिडंट्स मुबलक प्रमाणात असतात. जे रक्तातील साखरेची पातळी नियंत्रित ठेवण्यास मदत करतात. याशिवाय यात अँटी-इंफ्लेमेटरी गुणधर्म देखील असतात, जे शरीरातील जळजळ कमी करण्यास मदत करतात. यासाठी तुम्ही अर्धा चमचा हळद पावडर एक ग्लास कोमट दुधात मिसळून रोज रात्री झोपण्यापूर्वी प्या.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या