Diabetes Care: साखर असणाऱ्यांनी केळी खावीत की नाही? शुगर लेव्हलवर कसा होतो परिणाम? जाणून घ्या

तज्ज्ञांच्या मते मधुमेही रुग्णही केळी कमी प्रमाणात खाऊ शकतात. केळी चवीला गोड असतात आणि त्यात भरपूर कार्ब्स असतात. मात्र, केळीचा ग्लायसेमिक इंडेक्स कमी असतो, त्यामुळे मधुमेही रुग्णही केळी खाऊ शकतात. केळीमध्ये फायबरसह भरपूर आवश्यक पोषक घटक असतात, जे मधुमेहाच्या रुग्णांना खूप फायदे देऊ शकतात. मधुमेहाचे रुग्ण दररोज एक मध्यम आकाराचे केळ खाऊ शकतात. परंतु, ज्या लोकांना रक्तातील साखरेची चढ-उतार होण्याची समस्या आहे, त्यांनी असे करण्यापूर्वी आहारतज्ञ किंवा डॉक्टरांचा सल्ला घेतल्यानंतरच केळीचे सेवन करावे.

कच्ची केळी जास्त फायदेशीर-

आहारतज्ञांच्या मते, कच्च्या केळीचे सेवन पिकलेल्या केळ्यापेक्षा जास्त फायदेशीर ठरू शकते. मधुमेही रुग्णांनी कच्ची केळी खाल्ल्यास त्यांच्या रक्तातील साखरेची झपाट्याने वाढ होत नाही आणि शरीराला आवश्यक पोषक तत्त्वे मिळतात. हिरव्या केळ्यांमध्ये प्रतिरोधक स्टार्च असतो जो रक्तातील साखर वाढवत नाही आणि दीर्घकालीन रक्त शर्करा व्यवस्थापन सुधारू शकतो. पिकलेल्या केळ्यामध्ये साखरेचे प्रमाण जास्त असते, ज्यामुळे रक्तातील साखर वाढू शकते. त्यामुळे पिकलेल्या केळ्यांचा वापर मर्यादित ठेवावा. जर तुम्हाला मधुमेह असेल आणि तुमचे डॉक्टर केळी खाण्यास होकार देत असतील, तरीही केळी जास्त प्रमाणात खाऊ नका.

Benefits Of Saliva: आरोग्यासाठी अत्यंत उपयुक्त आहे लाळ, डोळ्यांपासून तोंडांपर्यंतचे अनेक आजार होतात दूर

तज्ज्ञांच्या मते, मधुमेही रुग्ण केळीसह सर्व फळे माफक प्रमाणात खाऊ शकतात. परंतु, आपल्या आहारात बदल करण्यापूर्वी, आपल्या डॉक्टरांशी बोलून खात्री करा. काही हेल्दी फॅट किंवा प्रोटीन स्त्रोत असलेली केळी खाणे आरोग्यासाठी अधिक फायदेशीर ठरेल. बदाम, पीनट बटर, पिस्ता, सूर्यफुलाच्या बिया किंवा अक्रोड यासोबत केळी खाल्ल्यास तुमचे आरोग्य सुधारू शकते. याशिवाय, खाण्याचे प्रमाण लक्षात ठेवा. जास्त प्रमाणात काहीही खाणे शरीरासाठी हानिकारक ठरू शकते. त्यामुळे साखरेच्या रुग्णांनी खाण्यापिण्यात विशेष काळजी घ्यावी.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )