diabetes care: मधुमेहाच्या रुग्णांनी पेरू खावा की नाही? जाणून घ्या शुगर लेव्हलवर नेमका काय परिणाम होतो
what to eat if there is sugar in marathi: पेरूमध्ये भरपूर पोषक तत्व असले तरी मधुमेही रुग्ण हे फळ खाणे टाळतात. त्यामुळे मधुमेहात पेरू खाऊ नयेत का? याबाबत अनेकांना प्रश्न पडतो.
what fruits to eat for diabetics marathi: मधुमेहाच्या रुग्णांनी फळांचे सेवन अत्यंत जपून करावे. कारण, गोड फळांमध्ये नैसर्गिक साखर आढळते ज्यामुळे फळांना गोडवा येतो. ही नैसर्गिक साखर मधुमेही रुग्णांच्या रक्तातील साखरेची पातळी वाढवते. हिवाळ्यात, आपल्या देशात विशिष्ट प्रकारच्या फळांचे उत्पादन वाढते, तर काही फळांची आवक हिवाळ्यातच होते . अशा परिस्थितीत प्रत्येकाला ही फळे चाखायची असतात. पेरू हे देखील असेच एक फळ आहे जे हिवाळ्यात बाजारात सहज दिसून येते. पेरूमध्ये भरपूर पोषक तत्व असले तरी मधुमेही रुग्ण हे फळ खाणे टाळतात. त्यामुळे मधुमेहात पेरू खाऊ नयेत का? याबाबत अनेकांना प्रश्न पडतो. आज आपण याबाबतच जाणून घेणार आहोत...
पेरू खाल्ल्याने साखरेची पातळी वाढते का?
पेरूचे फळ, ज्याला हिवाळ्यातील सुपरफ्रूट असेही म्हटले जाते, ते मधुमेहाच्या रुग्णांसाठीही खूप फायदेशीर आहे. जर तुम्ही मर्यादित प्रमाणात पेरूचे सेवन केले तर ते तुमच्या रक्तातील साखरेची पातळी संतुलित ठेवते आणि तुम्हाला मधुमेह नियंत्रणात ठेवण्यास मदत करते .
डायबिटीजमध्ये पेरू खाण्याचे फायदे-
पेरूची साल काढून खा-
काही संशोधनात असे दिसून आले आहे की, पेरूच्या पानांचा चहा प्यायल्याने रक्तातील साखरेची पातळी कमी ठेवण्यास मदत होते. त्याचबरोबर पेरूचे फळ खाल्ल्याने त्याचे फायदेही मिळू शकतात. वास्तविक, पेरू हे आहारातील फायबरसमृद्ध फळ आहे. हा फायबर शरीरातील ग्लुकोजची पातळी संतुलित ठेवण्याचे काम करतो. त्याच वेळी, पेरूचे सेवन केल्याने शरीरात इन्सुलिनचे उत्पादन वाढते, ज्यामुळे रक्तातील साखरेची पातळी नियंत्रणात राहण्यास मदत होते.
वजन कमी होणे-
भरपूर फायबरयुक्त असलेला पेरू शरीराचा चयापचय दर वाढवतो, ज्यामुळे शरीराचे वजन झपाट्याने कमी होते. त्याच वेळी, पेरू हे कमी कॅलरी असलेले अन्न आहे आणि पेरू खाल्ल्याने तुमचे वजन वाढण्याचा धोका कमी होतो. काही अभ्यासानुसार, मधुमेहामध्ये वजन कमी केल्याने तुमच्या रक्तातील साखरेची पातळी कमी ठेवण्यास मदत होते.
पुन्हा पुन्हा भूक लागण्याची समस्या कमी होते-
पेरू खाल्ल्यानंतर ते पचायला खूप वेळ लागतो. त्यामुळे तुमचे पोट बराच काळ भरलेले राहते आणि भूकही कमी लागते. मधुमेही रुग्णांना भूक वाढणे आणि लालसा यांसारख्या कारणांमुळे अनेकदा जास्त खाण्याची सवय असते. यामुळे त्यांची शुगर लेव्हल तर वाढतेच पण वजन वाढण्याची भीतीही राहते. परंतु, जर तुम्ही पेरूचे सेवन केले तर ते तुम्हाला तुमची लालसा कमी करण्यास मदत करू शकते .
रोगप्रतिकारक शक्ती वाढते-
पेरूच्या फळामध्ये व्हिटॅमिन सीचे प्रमाण जास्त असते. हे एक अँटिऑक्सिडेंट आहे जे त्वचा आणि शरीराला आतून निरोगी बनवते. व्हिटॅमिन सी शरीराची रोगप्रतिकारक शक्ती वाढवते, ज्यामुळे मधुमेहाच्या रुग्णांमध्ये पुन्हा पुन्हा आजारी पडण्याचा धोका कमी होतो.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
