Mixed flour idli: डायबिटीस असणाऱ्यांनी खा मिक्स पिठाची इडली, अजिबात वाढणार नाही शुगर, पाहा रेसिपी
foods to control diabetes marathi: आपल्या आहारात काही डायबिटीज फ्रेंडली नाश्त्याच्या रेसिपीची निवड करणे आवश्यक आहे. ज्यामुळे शरीर सक्रिय राहते आणि साखरेची पातळी देखील नियंत्रणात राहते.
sugar control recipes marathi: हेल्दी ब्रेकफास्ट शरीराला दिवसभर उत्साही ठेवण्यास मदत करतो यात शंका नाही. पण जेव्हा मधुमेहाच्या रुग्णांचा विचार केला जातो, तेव्हा त्यांच्या आहाराची काळजी घेणे अत्यंत आवश्यक आहे. वास्तविक, आहारात केलेल्या काही बदलांमुळे साखरेच्या पातळीत चढ-उतार होऊ शकतात. अशा परिस्थितीत, आपल्या आहारात काही डायबिटीज फ्रेंडली नाश्त्याच्या रेसिपीची निवड करणे आवश्यक आहे. ज्यामुळे शरीर सक्रिय राहते आणि साखरेची पातळी देखील नियंत्रणात राहते. चला जाणून घेऊया अशीच एक डायबेटीस फ्रेंडली नाश्त्याची रेसिपी....
मिक्स पिठाची इडली साहित्य-
-उडदाची डाळ १/२ वाटी
-मेथी दाणे १/२ टीस्पून
-बाजरीचे पीठ १/२ वाटी
-ज्वारीचे पीठ १/२ वाटी
-गव्हाचे पीठ १/२ कप
-दही २ कप
-चवीनुसार मीठ
बनवण्याची सोपी रेसिपी-
-मिक्स पिठांची इडली बनवण्यासाठी, उडीद डाळ आणि मेथीचे दाणे 2 ते 3 तास भिजत ठेवा. आता पाणी गाळून पेस्ट बनवा.
-पेस्ट तयार झाल्यावर त्यात गहू, ज्वारी आणि बाजरीचे पीठ मिसळा. आता त्यात दही घालून नीट फेटून घ्या.
-तयार केलेल्या पेस्टमध्ये चवीनुसार मीठ आणि कोथिंबीर घाला आणि थोडा वेळ झाकून ठेवा. २ ते ३ तास झाकण ठेवल्यानंतर पेस्ट ढवळून घ्या.
आता ही पेस्ट तेल लावलेल्या इडलीच्या साच्यात टाका आणि मायक्रोवेव्ह किंवा गॅसमध्ये ४ ते ५ मिनिटे वाफ येण्यासाठी ठेवा.
आता तयार केलेली मल्टी फ्लोअर इडली पुदिना किंवा नारळाच्या चटणीबरोबर सर्व्ह करा. यामुळे तुम्हाला दीर्घकाळ भूक लागत नाही
