Diabetes Care: रक्तातील साखर वाढल्यास पुरुषांमध्ये दिसतात वेगळी लक्षणे, 'हे' संकेत दिसताच व्हा सावध

पुरुषांमध्ये मधुमेहाची लक्षणे कोणती?

मधुमेहामुळे पुरुषांना लैंगिक आरोग्याशी संबंधित लक्षणे दिसू शकतात, त्यापैकी काही खालीलप्रमाणे आहेत-

इरेक्टाइल डिसफंक्शन-

मधुमेहामुळे पुरुषांना इरेक्टाइल डिसफंक्शनचा त्रास होऊ शकतो. परंतु, ही लक्षणे अनेक आरोग्य समस्यांमुळे होऊ शकतात, ज्यात केवळ रक्तातील साखरच नाही तर उच्च रक्तदाब, किडनी रोग, मज्जासंस्थेची स्थिती, लठ्ठपणा इ. समावेश होतो. आपण या परिस्थितीकडे दीर्घकाळ दुर्लक्ष करणे टाळले पाहिजे.

लघवीसंबंधी लक्षणे-

मधुमेहामुळे, पुरुषांना लघवीशी संबंधित समस्या उद्भवू शकतात. ज्यामध्ये मूवारंवार लघवी होणे, लघवी गळती, लघवी करताना अडचण, लघवीत संसर्ग यांसारख्या लक्षणांचा समावेश होतो. या परिस्थितीकडे जास्त काळ दुर्लक्ष केले जाऊ नये. अशा परिस्थितीत, आपण ताबडतोब डॉक्टरांचा सल्ला घ्यावा.

Diabetes Care: फक्त गोडच नव्हे तर 'हे' ५ पदार्थदेखील वाढवतात शुगर, आजच करा आहारातून बाद

शरीरातील टेस्टोस्टेरॉन हार्मोन कमी होणे-

मधुमेहाच्या बाबतीत पुरुषांच्या शरीरातील टेस्टोस्टेरॉन हार्मोनची पातळी कमी होऊ शकते. त्यामुळे शारीरिक संबंध ठेवण्यात अडचण, नैराश्य, थकवा आदी समस्या उद्भवू शकतात. तुम्हाला अशी चिन्हे दिसल्यास, तुम्ही ताबडतोब डॉक्टरांचा सल्ला घ्यावा.

वीर्यपतन होणे-

मधुमेहाने ग्रस्त पुरुषांना वीर्यपतन सारख्या समस्या असू शकतात. यामुळे काही शुक्राणू मूत्राशयात सोडले जातात. या स्थितीत शुक्राणू कमी होऊ शकतात किंवा मूत्रमार्गे बाहेर पडू शकतात. जर तुम्हाला अशा समस्या येत असतील तर ताबडतोब डॉक्टरांचा सल्ला घ्या.

Quit Smoking: सिगारेट सोडायची आहे, पण कसं कळत नाही? घरातील 'हा' मसाला करेल मदत

वाढलेला रक्तदाब-

मधुमेहाने ग्रस्त पुरुषांना उच्च रक्तदाबाच्या समस्या असू शकतात. अशा समस्यांकडे जास्त काळ दुर्लक्ष करू नका आणि ताबडतोब उपचार सुरू करा, जेणेकरून परिस्थिती गंभीर होण्यापासून रोखता येईल.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )