Dental Hygiene: दातांवर साचलेल्या प्लेकचा आहे हृदयविकाराशी संबंध, जाणून घ्या घरी कसे स्वच्छ करावे
Dental Hygiene Awareness Month: दातांवरील बॅक्टेरिया तोंडापुरतेच मर्यादित नसतात तर ते तुमच्या रक्तप्रवाहातून प्रवेश करू शकतात आणि शरीराला आणखी हानी पोहोचवू शकतात. घरच्या घरी दातांवरील हा पिवळा थर कसा कमी करायचा ते जाणून घ्या.
Home Remedies to Remove Dental Plaque: घाणेरडे दात केवळ तुमचा लूकच खराब करत नाहीत तर तुमच्या आरोग्यालाही मोठी हानी पोहोचवू शकतात. अनेक आरोग्य तज्ञ दातांमध्ये साचलेल्या प्लेकला हृदयविकाराच्या धोक्याशी जोडतात. इतकेच नाही तर काही अभ्यासातून असे समोर आले आहे की यामुळे संधिवात आणि पॅनक्रियाटिक कर्करोग होण्याचा धोकाही वाढतो. पण तुमच्या दातांवर हा प्लेक म्हणजे पिवळा थर कसा तयार होतो याचा तुम्ही कधी विचार केला आहे का? आजपर्यंत तुम्ही दात स्वच्छ करण्याबाबत निष्काळजी असाल तर तुमच्या आरोग्याला काय धोका निर्माण होऊ शकतो हे जाणून घ्या.
शरीरात पोहोचू शकतात तोंडातील बॅक्टेरिया
बहुतेक लोकांना असे वाटते की दात स्वच्छ करणे हे फक्त सकाळी उठल्यावर दात घासण्यापुरते मर्यादित आहे. दातांच्या स्वच्छतेकडे लक्ष देत नाही आणि हळूहळू दातांमध्ये प्लाक जमा होऊ लागतात. या प्लेकमुळे तुमच्या हिरड्यांमध्ये संसर्ग होतो, श्वासाची दुर्गंधी येते आणि दात कमकुवत होतात. हिरड्या दुखणे, दातांमध्ये मुंग्या येणे, रक्त येणे इत्यादी अनेक लक्षणे असू शकतात. याशिवाय तोंडातून हे बॅक्टेरिया रक्तासोबत शरीरात प्रवेश करतात आणि रक्तवाहिन्यांमध्ये इनफ्लेमेशन निर्माण करतात, असे तज्ज्ञांचे मत आहे. यामुळे हृदयविकाराचा झटका आणि पक्षाघाताचा धोका संभवतो. तसं या भीतींवर आणखी संशोधन करणे आवश्यक आहे.
कसा जमा होतो प्लेक
दातांमध्ये प्लेक जमा होणे सामान्य आहे. हे प्रत्येकाच्या दातांमध्ये जमा होते. प्लेकमध्ये बॅक्टेरियाच्या वसाहती असतात. हे उरलेले अन्न आणि लाळ यांचे मिश्रण असते. हे बॅक्टेरिया आपण जे खातो त्यातील कार्बोहायड्रेट्स, स्टार्च इत्यादींमधून अन्न मिळवतात. ते डिकंपोज होते आणि चिकट आम्ल फिल्ममध्ये बदलते, जे प्लेक असते. प्लेकला रंग नसतो पण जर तुम्ही ते स्वच्छ केले नाही तर ते टार्टरच्या स्वरूपात जमा होते. हे ब्रश केल्याने दूर होत नाही, तर डेंटिस्टकडून स्केलिंग करावी लागते.
खाल्ल्यानंतर लगेच गुळण्या करा
प्लेग टाळण्याचा सर्वोत्तम मार्ग म्हणजे जीवाणूंना तोंडात टिकून राहण्याची संधी न देणे. जर तुम्ही काही खाल्ले विशेषत: साखरेचा समावेश असेल तर पाण्याने गुळण्या करा. सकाळी उठल्यानंतर आणि रात्री झोपण्यापूर्वी दात घासणे आवश्यक आहे. अन्यथा दातांमध्ये अडकलेले अन्न तोंडात राहते आणि रात्रभर बॅक्टेरिया अन्न खाते.
प्लेक काढण्यासाठी घरगुती उपाय
तुम्ही जीभ स्वच्छ करत असाल तर ते चांगलेच आहे. पण दातांना फ्लॉस करायला सुरुवात करा. फ्लॉस दातांमध्ये अडकलेले अन्न काढून टाकते. तुम्ही तुमच्या डेंटिस्टच्या सल्ल्यानुसार फ्लॉस खरेदी करू शकता. फ्लोराईड पेस्ट लावा आणि थोडा वेळ तोंडात राहू द्या. घरगुती उपायांचा विचार केला तर बेकिंग सोडा तोंडातील बॅक्टेरिया नष्ट करतो असे मानले जाते. यासाठी गुळण्या केल्यानंतर बेकिंग सोडा लावून ब्रश करा. सुमारे १५ मिनिटे तोंडात राहू द्या आणि नंतर पाण्याने स्वच्छ करा. जेवणानंतर तुम्ही बडीशेप किंवा लवंगा खाऊ शकता.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
