मराठी बातम्या  /  लाइफस्टाइल  /  Dear Parents, तुमच्या या चुकांमुळे मुलं होतात निराश, चुकूनही करू नका

Dear Parents, तुमच्या या चुकांमुळे मुलं होतात निराश, चुकूनही करू नका

Hiral Shriram Gawande HT Marathi
Dec 17, 2023 10:26 PM IST

Parenting Mistakes: लहान मुलांच्या मनावर छोट्याशा गोष्टींचा सुद्धा खूप लवकर परिणाम होतो. पालकांच्या काही चुकांमुळे मुले मोठी झाल्यावर निराश राहतात. पालकांनी कोणत्या चुका करू नये ते जाणून घ्या.

पॅरेंटिंग मिस्टेक्स
पॅरेंटिंग मिस्टेक्स (unsplash)

Parents Should Avoid These Mistakes: सर्वच पालक आपल्या मुलाचे उत्तम संगोपन करण्याचा प्रयत्न करतात. आपली मुले भविष्यात समजूतदार आणि यशस्वी व्यक्ती बनावी यासाठी पालक त्यांच्यावर चांगले संस्कार करतात. पण अनेकदा असे पाहायला मिळते की लहानपणी मस्ती करणारे मुलं मोठी होऊन शांत होतात, कमी बोलतात आणि निराश किंवा उदास राहतात. असे का होते, माहित आहे का? असे पॅरेंटिंगमध्ये झालेल्या चुकांमुळे घडते. अशा परिस्थितीत पॅरेंटिंगच्या अशा चुकांबद्दल जाणून घ्या ज्या प्रत्येक पालकांनी टाळल्या पाहिजेत.

ट्रेंडिंग न्यूज

फिलिंगबद्दल बोलण्याऐवजी गप्प राहणे

मुले अनेकदा त्यांच्या भावना समजून घेण्यात अपयशी ठरतात. अशा परिस्थितीत त्यांना आपल्या भावनांवर नियंत्रण ठेवणे कठीण जाते. अशा स्थितीत त्यांना नेहमी सांगा की भावना काय आहेत आणि कोणाजवळ भावना व्यक्त कराव्यात आणि कोणाला आयुष्यात न ठेवणे चांगले आहे. जेव्हा मुले नकारात्मक आणि सकारात्मक लोकांमध्ये फरक करायला शिकतात तेव्हा ते फारसे भावनिक होत नाहीत.

खूप जास्त दबाव

सर्व पालकांना नेहमी आपल्या मुलाला अव्वल आलेले पाहायचे असते. अशा परिस्थितीत पालक अनेकदा मुलांवर खूप दबाव टाकतात. अभ्यास असो वा खेळ किंवा एखादी स्पर्धा सगळीकडे हा दबाव असू शकतो. अशा परिस्थितीत मुलाला स्वतःचे आयुष्य जगण्यापेक्षा आपल्या आई-वडिलांच्या अपेक्षा पूर्ण करण्याची जास्त काळजी वाटते. अनेक वेळा अशा मुलांना मैत्रीही करता येत नाही.

 

खूप जास्त प्रेम

प्रत्येक पालक आपल्या मुलांना प्रेमाने आणि आपुलकीने वाढवतात. मात्र जास्त लाड केल्याने मुले बिघडतात. ज्या मुलांचे खूप लाड केले जातात त्यांना इतरांकडून अपेक्षा असतात आणि जेव्हा ते होत नाही तेव्हा त्यांना वाईट वाटू लागते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग