Body Care: काळ्या अंडरआर्म्समुळे स्लीव्हलेस घालणे कठीण झालंय? 'हे' घरगुती उपाय करतील मदत

अंडरआर्म्स काळे होण्याची कारणे-

सर्वप्रथम अंडरमार्म्स काळे होण्यामागील कारणे तुम्ही जाणून घेतली पाहिजेत. जेणेकरून तुम्हाला त्यावर योय उपाय करता येतील. जर तुमचे अंडरआर्म्ससुद्धा काळे झाले असतील, तर त्याची अनेक कारणे असू शकतात. जसे की शेव्हिंगमुळे खाज सुटणे आणि आगआग होणे, मृत पेशी नीट साफ न होणे किंवा घट्ट व फिट कपडे घालणे यामुळे देखील हे होऊ शकते. त्यामुळे शक्यतो रेजर वापरू नका आणि सैल कपडे घालण्याला पसंती द्या.

बेकिंग सोड्यापासून बनवा स्क्रब-

अंडरआर्म्सचा काळेपणा दूर करण्यासाठी बेकिंग सोडा अत्यंत उपयोगी ठरतो. बेकिंग सोड्यापासून स्क्रब तयार करण्यासाठी, तुम्हाला एका लहान भांड्यात १ चमचा बेकिंग सोडा आणि १ चमचा पाणी आवश्यक आहे. आता या दोन गोष्टी मिक्स करा आणि अंडरआर्म्सच्या काळ्या झालेल्या भागावर लावा आणि हलक्या हाताने मसाज करा. २० ते २५ मिनिटे असेच राहू द्या आणि नंतर कोमट पाण्याने धुवून टाका. आपण आठवड्यातून हे २ ते ३ वेळा वापरू शकता.

Body Care: मान खूपच काळी झालीय, चारचौघांच्यात सतत लपवावी लागते? या उपायाने क्षणात होईल क्लिन

नारळाचे तेल-

नारळाच्या तेलाचे किती फायदे आहेत हे आपल्या सर्वांनाच माहिती आहे. अंडरआर्म्सचा काळेपणा दूर करण्यासाठी सुद्धा नारळाचे तेल उपयुक्त आहे. त्यासाठी नारळाच्या तेलात बेकिंग सोडा मिसळल्यानंतर, जेव्हा आपण ही पेस्ट वापरतो,तेव्हा अंडरआर्म्समधील मृत पेशी निघून जातात. त्यामुळे काळेपणासुद्धा दूर होतो.

मैद्याचा वापर-

यासाठी तुम्हाला १ चमचा बेकिंग सोडा, १ चमचा मैदा आणि १ चमचा दही लागेल. आता हे सर्व पदार्थ एका भांड्यात नीट मिक्स करा आणि अंडरआर्म्सवर २० मिनिटे लावा. ते कोरडे होऊ द्या. वाळल्यानंतर, कोमट पाण्याने स्वच्छ करा. यामुळे तुमच्या अंडरआर्म्सचा काळेपणा तर दूर होईलच पण स्किन ग्लोइंग होईल.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )