Corn Starch Side Effects: जेवणात कॉर्न स्टार्च घालताय? होईल मोठे नुकसान! दुष्परिणाम जाणून खाणं सोडून द्याल

कॉर्न स्टार्च कशापासून बनवला जातो?

कॉर्न स्टार्च तयार करण्यासाठी सामान्यत: मक्याचा वापर केला जातो. पण, त्यावर खूप प्रक्रिया केली जाते. ज्यामुळे त्यात कॅलरीज आणि कार्चेब प्रमाण खूप जास्त असते. एक कप कॉर्न स्टार्चमध्ये सुमारे ४९० कॅलरी आणि १२० ग्रॅम कार्ब असतात. तसेच, जीवनसत्त्वे आणि प्रथिनांची पातळी खूप कमी असते. त्यामुळे कॉर्न स्टार्च आरोग्यासाठी चांगला नसतो.

Health Tips: सकाळी उठल्या उठल्या भूक लागते? असू शकते ‘या’ गंभीर आजाराचे लक्षण! जाणून घ्या...

कॉर्न स्टार्चमध्ये कार्बचे प्रमाण जास्त असते. ज्यामुळे त्याचा ग्लाइसेमिक इंडेक्सही जास्त असतो आणि याच्या सेवनामुळे रक्तातील साखर वाढते. मधुमेहाच्या रुग्णांसाठी हे हानिकारक उत्पादन आहे. सतत कॉर्न स्टार्च खाल्ल्याने शरीरातील रक्तातील साखर वाढण्याचा धोका वाढतो आणि टाइप २ मधुमेह होऊ शकतो.

कॉर्न स्टार्च हानिकारक का?

कॉर्न स्टार्च कॉर्न फ्लोरपासून बनवला जातो. परंतु, प्रक्रिया केल्यामुळे त्याचे सर्व पोषण नष्ट होते. अभ्यासानुसार, यातील रिफाईंड कार्ब हृदयासाठी हानिकारक असतात. हृदयरोग, स्ट्रोक, हृदय बंद पडण्याची भीती असते. याचे कारण म्हणजे रिफाईंड अन्नामुळे ट्रायग्लिसेराइड वाढते. जर तुम्ही सतत खाद्यपदार्थांमध्ये कॉर्न स्टार्च घालत असाल, तर वजन वाढण्याचा ही धोका असतो. निरोगी राहण्यासाठी सूप पीत असाल, पण त्यात कॉर्न स्टार्च घालत असाल, तर ते तुमचे आरोग्य बिघडवणारे ठरणार आहे. यात असलेले कार्बोहायड्रेट्स आणि कॅलरीज वजन झपाट्याने वाढवतात.

Travel in July: जुलै महिन्यात या ठिकाणांचे हवामान असते आल्हाददायक, नक्की करा ट्रव्हलचा प्लॅन

अन्नपदार्थांमधील कॉर्न स्टार्चची काळजी न घेतल्यास आणि दररोज त्याचे सेवन केल्यास शरीरातील ट्रायग्लिसेराइड वाढते. रक्तवाहिन्यांमध्ये अडथळा येतो आणि उच्च रक्तदाबाची समस्या निर्माण होते.

या गोष्टी लक्षात ठेवा

जेवणात फक्त एक ते दोन चमचे कॉर्न स्टार्च घातला, तरी तो सतत रोजच्या आहारात खाल्ल्याने आरोग्याला हानी पोहोचते. त्यामुळे तो खाताना सावधगिरी बाळगणे आवश्यक आहे.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

Ice Cream Recipe: घरी फ्रिज नसला तरीही बनवू शकता आईस्क्रीम, जाणून घ्या सोपी पद्धत