मराठी बातम्या  /  लाइफस्टाइल  /  Chocolate Day पूर्वी चॉकलेट मास्कने करा चेहरा स्वच्छ, ही आहे लावण्याची पद्धत

Chocolate Day पूर्वी चॉकलेट मास्कने करा चेहरा स्वच्छ, ही आहे लावण्याची पद्धत

Hiral Shriram Gawande HT Marathi
Feb 08, 2024 06:59 PM IST

Chocolate Face Mask: जर तुम्हाला चॉकलेट डेच्या आधी तुमचा चेहरा चमक हवी असेल तर तुम्ही घरच्या घरी हा चॉकलेट फेस पॅक लावू शकता. हा कसा बनवायचा आणि लावायचा हे जाणून घ्या.

चॉकलेट फेस पॅक
चॉकलेट फेस पॅक (freepik)

Chocolate Face Pack: व्हॅलेंटाईन वीकमधील तिसरा दिवस म्हणजे चॉकलेट डे असतो. या दिवशी कपल्स एकमेकांना चॉकलेट देऊन आपले प्रेम व्यक्त करतात. चॉकलेटचा प्रेम आणि रोमान्सशी खोल संबंध आहे. हे गोड डेझर्ट पौष्टिकतेने परिपूर्ण आहे. खाण्याव्यतिरिक्त चॉकलेटचा वापर त्वचा स्वच्छ करण्यासाठी देखील केला जातो. जर तुम्हाला चॉकलेट डे स्पेशल बनवायचा असेल आणि ग्लोइंग स्किन हवी असेल तर चॉकलेट तुमची मदत करेल. वास्तविक चॉकलेटच्या चांगल्या गुणांसह फेस मास्क आणि स्क्रब बाजारात उपलब्ध आहेत. पण तुम्ही घरी सोप्या पद्धतीने चॉकलेट फेस मास्क बनवू शकता. याने तुमची त्वचा साफ होईल आणि चमकेल. चला तर मग जाणून घ्या हे चॉकलेट फेस पॅक कसे बनवायचे आणि लावायचे.

चेहऱ्याचा थकवा होईल दूर

व्हॅलेंटाईन वीकचा प्रत्येक दिवस खास बनवण्यासाठी तुम्ही पार्टनरसोबत अनेक गोष्टी प्लॅन केल्या असतील. पण या व्यस्त शेड्युलमुळे जर तुम्हाला तुमच्या चेहऱ्यावर थकवा जाणवू लागला तर चॉकलेट फेस पॅक लावा. यामुळे त्वचेचा निस्तेजपणा आणि थकवा दूर होईल. कोको पावडरचा फेस पॅक बनवताना त्वचेच्या प्रकाराचीही काळजी घेणे आवश्यक आहे.

ऑल स्किन टाइप असलेल्यांसाठी चॉकलेट फेस मास्क

हा फेस पॅक बनवण्यासाठी तुम्हाला तीन चमचे कोको पावडर, एक अंडी, एक चमचा मध, एक चमचा दही आवश्यक आहे. अंड्याचा पांढरा भाग काढून त्यात कोको पावडर, मध आणि दही घालून फेटून घ्या. डोळे आणि ओठ वगळता हा फेस पॅक चेहऱ्यावर तसेच मानेला लावा. अर्ध्या तासात कोरडे झाल्यावर चेहरा पाण्याने स्वच्छ करा. जर तुमची त्वचा ड्राय असेल तर फेस पॅकमध्ये अंड्यातील पिवळ बलक मिक्स करा.

ऑइली स्किन असलेल्यांसाठी चॉकलेट फेस मास्क

हा फेस पॅक बनवण्यासाठी तुम्हाला दोन चमचे कोको पावडर, एक चमचा मुलतानी माती, तीन चमचे गुलाब जल आणि पिकलेल्या केळीचा अर्धा तुकडा आवश्यक आहे. पिकलेली केळी चांगली मॅश करा. त्यात मुलतानी माती आणि कोको पावडर मिक्स करा. सर्व गोष्टी एकत्र करून फेस पॅक तयार करा. चेहऱ्यावर आणि मानेला लावा आणि थोडा वेळ राहू द्या.

ते सुकायला लागल्यावर हलक्या हातांनी मसाज करून चेहरा स्वच्छ करा. चॉकलेटने बनवलेला हा फेस पॅक चेहऱ्याचा थकवा आणि निस्तेजपणा दूर करेल आणि झटपट चमक देईल.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel