Chia Seeds saide effects: 'या' लोकांनी चुकूनही खाऊ नयेत चिया सीड्स, आरोग्याचे होईल मोठे नुकसान
Chia Seeds saide effects marathi: तुम्हाला माहित आहे का की, चिया सीड्सचे जास्त सेवन आरोग्यासाठी हानिकारक असू शकते. काही लोकांनी चिया सीड्सचे सेवन टाळावे.
Which Diseases Should Not Eat Chia Seeds marathi: चिया सीड्सचे सेवन आरोग्यासाठी खूप फायदेशीर मानले जाते. व्हिटॅमिन-बी1, प्रथिने, फायबर, लोह, फॅट्स, कॅल्शियम, झिंक, फॉस्फरस आणि अँटीऑक्सिडंट्स यांसारखे अनेक पोषक घटक त्यात आढळतात. म्हणून, आहारतज्ञ देखील निरोगी आणि तंदुरुस्त राहण्यासाठी आहारात चिया सीड्सचा समावेश करण्याची शिफारस करतात. ज्यांना लठ्ठपणाचा त्रास आहे आणि त्यांना वजन कमी करायचे आहे त्यांच्यासाठी चिया सीड्सचे सेवन खूप फायदेशीर ठरू शकते. भिजवलेल्या चिया सीड्सचे दररोज सकाळी रिकाम्या पोटी सेवन केल्याने शरीरात जमा झालेली अतिरिक्त चरबी कमी होते आणि त्यामुळे वजन सहज कमी होते.
याशिवाय, चिया सीड्समध्ये कर्करोगविरोधी आणि अँटी इन्फ्लीमेंटरी गुणधर्म असतात. त्याचे सेवन त्वचा आणि केसांसाठी देखील फायदेशीर आहे. पण तुम्हाला माहित आहे का की, चिया सीड्सचे जास्त सेवन आरोग्यासाठी हानिकारक असू शकते. काही लोकांनी चिया सीड्सचे सेवन टाळावे. यामुळे आरोग्याशी संबंधित अनेक गंभीर समस्यांना सामोरे जावे लागू शकते. आता प्रश्न असा येतो की कोणत्या लोकांनी चिया सीड्सचे सेवन करू नये? आज या लेखात आपण त्याबाबतच जाणून घेणार आहोत.
चिया सीड्स कोणी खाऊ नयेत?
कमकुवत पाचन असलेले लोक-
कमकुवत पाचन असलेल्या लोकांनी चिया सीड्सचे जास्त सेवन करू नये. वास्तविक, त्यात भरपूर फायबर असते. जे आपले शरीर पचवू शकत नाही. याचे जास्त प्रमाणात सेवन केल्यास पचनक्रिया बिघडते. यामुळे तुम्हाला पोटदुखी, गोळे येणे, सूज आणि जुलाब यासारख्या समस्या होऊ शकतात. त्यामुळे चिया सीड्स नेहमी मर्यादित प्रमाणात खाव्यात.
मधुमेहाचे रुग्ण-
चिया सीड्सचे सेवन मधुमेहामध्ये फायदेशीर मानले जाते. पण याचे जास्त प्रमाणात सेवन केल्याने रक्तातील साखरेची पातळी मोठ्या प्रमाणात कमी होऊ शकते. वास्तविक, चिया सीड्समध्ये फायबर असते. जे तुमच्या रक्तातील साखरेचे शोषण कमी करते. यामुळे तुमच्या रक्तातील साखरेची पातळी अचानक कमी होऊ शकते. हे मधुमेही रुग्णांसाठी धोकादायक ठरू शकते. त्यामुळे जे लोक मधुमेहविरोधी औषधे घेतात त्यांनी डॉक्टरांचा सल्ला घेतल्यानंतरच चिया सीड्सचे सेवन करावे.
बीपीचे रुग्ण-
जर तुम्ही उच्च रक्तदाब नियंत्रित करण्यासाठी औषधे घेत असाल, तर चिया सीड्सचे सेवन टाळा. वास्तविक, चिया सीड्समध्ये असलेल्या ओमेगा-३ फॅटी ऍसिडमध्ये रक्त पातळ करण्याचे गुणधर्म असतात. अशा परिस्थितीत जर तुम्ही चिया सीड्सचे जास्त प्रमाणात सेवन केले, तर तुमचा रक्तदाब लक्षणीयरीत्या कमी होऊ शकतो. जर तुम्ही याचे जास्त सेवन केले तर तुम्हाला कमी रक्तदाबाचा त्रास होऊ शकतो.
ऍलर्जी ग्रस्त लोक-
चिया सीड्सचे जास्त सेवन केल्याने ऍलर्जीचा त्रास होऊ शकतो. खरं तर, चिया सीड्समध्ये असलेली संयुगे अनेक लोकांमध्ये एलर्जीची प्रतिक्रिया निर्माण करू शकतात. यामुळे त्वचेवर जळजळ, लालसरपणा किंवा पुरळ उठू शकते. जर तुम्हाला उलट्या किंवा मळमळ होण्याची समस्या असेल तर तुम्ही चिया सीड्सचे सेवन करू नये. याशिवाय, जर तुम्ही पहिल्यांदाच चिया सीड्सचे सेवन करत असाल तर नक्कीच डॉक्टरांचा सल्ला घ्या.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
