Chanakya Niti: 'या' लोकांना भोगावी लागते इतरांच्या चुकीची शिक्षा, उध्वस्त होते आयुष्य, वाचा काय सांगते चाणक्य नीती

त्याआधी आपण आचार्य चाणक्य यांच्याबाबत थोडेसे जाणून घेऊया. आचार्य चाणक्य हे चंद्रगुप्त मौर्य यांचे गुरु होते. ते एक महान ज्ञानी आणि विद्वान असल्याचे म्हटले जाते. आचार्य चाणक्यांनी एक धोरणात्मक ग्रंथ रचला आहे ज्याला 'चाणक्य नीती' म्हणतात. चाणक्य नीती तुम्हाला तुमच्या आयुष्यात काहीही साध्य करण्यात मदत करते. जर तुम्ही चाणक्य नीती पूर्णपणे वाचली आणि त्याचे पालन केले तर तुम्हाला यशस्वी होण्यापासून कुणीही कधीही रोखू शकत नाही.

पती-पत्नीला एकमेकांच्या चुकीची शिक्षा मिळते-

चाणक्य नीतीनुसार पती-पत्नीला एकमेकांच्या चुकांमुळे आयुष्यभर त्रास सहन करावा लागतो. त्यांना जीवनात कोणत्याही प्रकारची समस्या येऊ नये, म्हणून त्यांनी नेहमी कोणतीही चूक न करण्याचा प्रयत्न केला पाहिजे. आणि त्यांच्या चुकांची काळजी घ्यायला हवी. सोप्या शब्दात समजून घेतल्यास पतीच्या चुकांची शिक्षा पत्नीला भोगावी लागते आणि पत्नीच्या चुकांची शिक्षा पतीला भोगावी लागते.

Chanakya Niti : दिवसाची सुरुवात अशी केली तर आयुष्यात कधीही पैशाची कमतरता भासणार नाही

देशाचे लोक आणि राज्यकर्ते-

आचार्य चाणक्य यांच्या म्हणण्यानुसार, जेव्हा जेव्हा देशात राहणारे लोक चुकीचे काम करतात तेव्हा त्या देशाच्या अधिपतीला त्याची शिक्षा भोगावी लागते. जनतेच्या चुकांची शिक्षा राज्यकर्त्यालाही भोगावी लागते. कारण जनतेचे काही चुकणार नाही याची काळजी घेणे ही राज्यकर्त्याची जबाबदारी असते. इतकेच नव्हे तर सत्ताधाऱ्यानेही चूक केली तर त्याचा फटका जनतेलाही सहन करावा लागतो.

गुरू आणि शिष्य-

चाणक्य नीतीनुसार, जर शिष्याने काही चूक केली किंवा कोणतेही चुकीचे काम केले तर त्याचे परिणाम थेट त्याच्या गुरूला मिळतात. कारण आपल्या शिष्याला योग्य मार्गावर आणणे आणि त्याला मार्गावर चालण्यास प्रोत्साहित करणे ही गुरुची जबाबदारी आहे. तसेच गुरूने चूक केली तर त्याचे परिणाम शिष्यांना भोगावे लागतात.

Chanakya Niti: आयुष्यात होईल पैसाच पैसा, फक्त पाळा चाणक्य नीतीच्या 'या' गोष्टी

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )