Chanakya Niti: घरातील कर्त्या पुरुषाच्या 'या' चुका उध्वस्त करतात कुटुंब, येते गरीबी, वाचा चाणक्य नीती

कोण होते आचार्य चाणक्य?

आचार्य चाणक्य हे चंद्रगुप्त मौर्य यांचे गुरु होते. ते एक महान ज्ञानी आणि विद्वान असल्याचे म्हटले जाते. आचार्य चाणक्यांनी एक धोरणात्मक ग्रंथ रचला आहे ज्याला 'चाणक्य नीती' म्हणतात. चाणक्य नीती तुम्हाला तुमच्या आयुष्यात काहीही साध्य करण्यात मदत करते. जर तुम्ही चाणक्य नीती पूर्णपणे वाचली आणि त्याचे पालन केले तर तुम्हाला यशस्वी होण्यापासून कुणीही कधीही रोखू शकत नाही.

अन्न वाया घालवणे-

घरातील प्रमुख असो किंवा कुटुंबातील इतर सदस्य, कोणत्याही व्यक्तीने अन्न वाया घालवू नये. विशेषत: जेव्हा घरच्या प्रमुखाचा प्रश्न येतो तेव्हा त्याने कोणत्याही किंमतीत अन्न वाया घालवू नये. असे करणे अत्यंत चुकीचे मानले जाते. जेव्हा घरातील प्रमुख व्यक्ती अन्न वाया घालवतो तेव्हा संपूर्ण कुटुंबावर नकारात्मक परिणाम होतो. असे केल्याने घर आणि कुटुंबाची प्रगतीही थांबते.शिवाय हळूहळू कुटूंब उध्वस्त होऊ लागते.

विनाकारण पैशांची उधळपट्टी-

चाणक्य नीतीनुसार घराच्या प्रमुखाने नेहमी विचारपूर्वक आणि कुटुंबाच्या गरजा लक्षात घेऊन पैसा खर्च केला पाहिजे. जर घरच्या प्रमुखाने विचार न करता पैसे खर्च केले तर संपूर्ण कुटुंबाला आर्थिक समस्यांना सामोरे जावे लागू शकते. घरातील प्रमुखाने कुटुंबाचे भविष्य लक्षात घेऊन पैसा खर्च करावा. अथवा भविष्यात तुम्हाला दारिद्र्याचा सामना करावा लागू शकतो. इतकेच नव्हे पैशा अभावी तुमचे कुटुंब रस्त्यावर येऊ शकते.

Chanakya Niti: आयुष्यात प्रगतीच होत नाही? तुमच्या 'या' सवयी ठरतात कारण, वाचा काय सांगते चाणक्य नीती?

नियम तोडणे-

अनेक वेळा घरचा प्रमुख कुटुंबातील सर्व लोकांसाठी काही नियम बनवतो. प्रत्येकजण या नियमांचे पालन करतो. परंतु केवळ घराचा प्रमुखच ते नियम मोडतो. कुटुंब प्रमुखाने अशी चूक वारंवार केल्यास त्याचा थेट आणि नकारात्मक परिणाम कुटुंबातील सदस्यांवर होतो. कुटुंबातील सदस्यांच्या मनातून कर्त्या व्यक्तीबाबत असलेला आदर संपतो. आणि ते लोकसुद्धा अशा चुका करू लागतात. त्यामुळे घरामध्ये नकारात्मकता, वादविवाद अशा गोष्टी चालू होतात.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )