Chanakya Niti: संसार टिकवण्यासाठी पती-पत्नीच्या नात्यात हव्या 'या' ४ गोष्टी, चाणक्य नीतीमध्ये आहे खास उल्लेख

आचार्य चाणक्य यांनी समाजातील विविध घटकांबाबत काही ना काही अंदाज बांधले आहेत. यामध्ये पती-पत्नीच्या नात्याचादेखील समावेश होतो. आजचा लेख विशेषतः विवाहित जोडप्यांसाठी आहे. आज आम्ही तुम्हाला चाणक्य नीतीमध्ये सांगितलेल्या अशा काही गोष्टींबद्दल सांगणार आहोत, ज्या पती-पत्नीने कधीही एकमेकांपासून लपवू नयेत. जर या गोष्टी लपवल्या तर तुमचे वैवाहिक आयुष्य उध्वस्त होऊ शकते. चला तर मग या गोष्टी नेमक्या कोणत्या आहेत जाणून घेऊया.

प्रामाणिकपणा न ठेवणे-

चाणक्य नीतीनुसार, वैवाहिक नात्यात पती-पत्नीमध्ये प्रामाणिकपणा आणि स्पष्टता असणे अत्यंत आवश्यक आहे. तुमच्या जोडीदाराबद्दल तुमच्या मनात काही चीड असेल किंवा तुम्ही त्यांच्याबद्दल असहमत असाल तर तुम्ही विलंब न करता तुमच्या जोडीदारासोबत शेअर करा. असे केल्यास तुमच्या आणि तुमच्या जोडीदाराच्या नात्यातील गैरसमज दूर होतात. इतकेच नव्हे तर असे केल्याने पती-पत्नी एकमेकांना चांगल्या प्रकारे समजून घेऊ शकतात. शिवाय तुमचे नाते अधिक मजबूत होते.

प्रेम व्यक्त करण्यात संकोच करू नये-

चाणक्य नीतिनुसार, पती-पत्नीने एकमेकांवरील प्रेम व्यक्त करण्यात कधीही संकोच किंवा उशीर करू नये. त्यांनी एकमेकांवर प्रेम व्यक्त करताना संकोच करू नये. जेव्हा तुम्ही तुमच्या जोडीदाराला तुमचे प्रेम व्यक्त करण्यात संकोच करता तेव्हा ते तुमचे नाते कमकुवत करते. त्याच वेळी, जेव्हा तुम्ही खुलेपणाने प्रेम दाखवता तेव्हा तुमच्या नात्यात नवीन बहर आणि गोडवा येतो. इतकेच नव्हे तर तुम्ही दोघेही एकमेकांशी भावनिकदृष्ट्या चांगल्या पद्धतीने जोडले जाऊ शकता.

Chanakya Niti: अफाट कष्ट करूनही घरात पैसा टिकत नाही? चाणक्य नीतीमध्ये सांगितलेत यामागची कारणे

मोकळेपणाने बोला-

चाणक्य नीतीनुसार, जे पती-पत्नी एकमेकांशी उघडपणे बोलत नाहीत, त्यांचे नाते जास्त काळ टिकत नाही. संकोच किंवा लाजाळूपणामुळे पती-पत्नी एकमेकांना त्यांच्या गरजा आणि अपेक्षा नीट सांगू शकत नाहीत. जेव्हा हे घडते तेव्हा त्यांच्यात समजूतदारपणा नाहीसा होऊ लागतो. आचार्य चाणक्य यांच्यानुसार पती-पत्नीमध्ये काही गोष्टींबाबत कधीही संकोच किंवा लज्जा नसावी. नेहमी एकमेकांशी मोकळेपणाने संवाद साधल्याने नाते अधिक दृढ होण्यास मदत होते.

हक्क दाखवणे गरजेचे-

चाणक्य नीतीनुसार पती-पत्नीने एकमेकांवर हक्क दाखवणे गरजेचे आहे. असे केल्याने तुमच्या नात्याला केवळ भावनिक आधार मिळत नाही तर त्यांचे नाते आतून अधिक घट्ट होते. जेव्हा तुम्ही दोघेही एकमेकांवर तुमचे अधिकार व्यक्त करता किंवा अधिकाराची भावना बाळगता तेव्हा तुमच्या दोघांमधील विश्वासाची भावना वाढते. त्यामुळे तुमचे नाते मजबूत होण्यास मदत होते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)