Chanakya Niti: काही लोकं मनुष्य नाही तर असतात जनावरं! आचार्य चाणक्य यांनी सांगितली लक्षणं

आचार्य चाणक्य यांनी आपल्या नीतिशास्त्रात मानवी जीवन, नैतिकता आणि समाज यासंबंधी अनेक धोरणे दिली आहेत. चाणक्य म्हणतात की, काही वैशिष्ट्ये, आचरण आणि वागणूक लोकांना प्राण्यांपासून वेगळे करते. याशिवाय आचार्य चाणक्य यांनी अशी काही लक्षणे सांगितली आहेत,ज्यांच्यामध्ये ही लक्षणे असतात ते प्राण्यांसारखे असतात. ते प्राण्यांप्रमाणे इकडे तिकडे फिरत राहतात. कारण फक्त मानवच विचार करण्यास आणि समजून घेण्यास सक्षम आहे. इतरांचे दुःख फक्त मानवच समजू शकतो. अशा परिस्थितीत ही लक्षणे कोणती आहेत, हे जाणून घेऊया.

अशिक्षित व्यक्ती

आचार्य चाणक्य म्हणतात की, जो माणूस शिक्षणात कनिष्ठ असतो, म्हणजेच जो शिकलेला नाही, तो जनावरासारखा इकडे तिकडे फिरत राहतो, कारण ज्या व्यक्तीमध्ये कोणत्याही प्रकारची योग्यता नसते आणि तो आतून पोकळ असतो. अशा व्यक्तीला ज्ञानाबद्दल सांगणे निरुपयोगी आहे. त्यांच्यावर काहीही परिणाम होत नाही. त्यामुळे असे लोक प्राण्यांसारखे असतात, असे चाणक्य नीतीमध्ये म्हटले आहे.

Chanakya Niti: आचार्य चाणक्यांनुसार 'या' लोकांशी नाते तोडल्याशिवाय होत नाही प्रगती, वाचा चाणक्य नीती

दान करण्याची प्रवृत्ती नसणे

चाणक्य नीती सांगते की, ज्या व्यक्तीमध्ये दान करण्याची प्रवृत्ती नसते. ते लोकही या जगात प्राण्यांप्रमाणे फिरतात. जीवनात यशस्वी व्हायचे असेल, तर माणसाने आपल्या क्षमतेनुसार गरीब, असहाय्य आणि दुर्बल लोकांना मदत केली पाहिजे, अशी श्रद्धा आहे. असे मानले जाते की, दान करणाऱ्या व्यक्तीला कोणत्याही प्रकारचे दुःख होत नाही.

दयेचा अभाव

चाणक्य नीतिनुसार ज्या व्यक्तीमध्ये करुणेचा अभाव असतो. ती व्यक्ती या जगात प्राण्यांप्रमाणे हिंडत असते, कारण फक्त माणूसच इतरांचे दुःख आणि वेदना समजू शकतो. माणूस दुसऱ्याच्या दु:खात दु:खी आणि सुखात सुखी असेल, तर खऱ्या अर्थाने तो माणूस आहे. माणसात असे गुण नसतील तर तो माणूस नसून प्राणी आहे.

अधार्मिक व्यक्ती

चाणक्य नीतीनुसार जो व्यक्ती धार्मिक कार्य करत नाही, म्हणजेच ज्या व्यक्तीला धार्मिक आचरणाची भावना नसते, तो प्राण्याप्रमाणे या जगात फिरत राहतो.