Chanakya Niti: घरच्या कर्त्या व्यक्तीमध्ये असावेत ‘हे’ ५ गुण; कुटुंबाची होईल भरभराट! चाणक्य नीती काय सांगते?

वायफळ खर्चावर बंदी

चाणक्य नीतीनुसार घराचा प्रमुख हा हुशार असावा. तसेच कुटुंबाच्या गरजा लक्षात घेऊन पैसा खर्च करणारा असावा. एवढेच नव्हे, तर कुटुंबातील सदस्यांचा फालतू खर्चही थांबवला पाहिजे. तसेच, त्याला पैशांचा योग्य वापर माहित असणे आवश्यक आहे. यामुळे कुटुंबात प्रगतीची शक्यता निर्माण होते आणि भविष्यासाठी पैशाची बचत देखील होते.

नेहमी राहावे सतर्क

घराच्या प्रमुखाने नेहमी सतर्क राहावे. प्रत्येकाच्या म्हणण्यावर त्याने विश्वास ठेवू नये. स्वत:च्या डोळ्यांनी जे दिसते, त्यावर विश्वास ठेवून सर्व नातेसंबंध दृढ केले पाहिजेत. याशिवाय कोणतेही भांडण सोडवताना दोन्ही पक्षांचे म्हणणे ऐकून निर्णय घ्यावा.

Chanakya Niti: आचार्य चाणक्यनुसार अशा मित्रांपासून नेहमीच राहा दूर, काय आहे कारण?

उत्तम निर्णय घेण्याची क्षमता

घरातील प्रमुख कुटुंबाशी संबंधित अनेक महत्त्वाचे निर्णय घेतो. अशा स्थितीत त्याची निर्णयक्षमता चांगली असायला हवी. तसेच, त्याच्या निर्णयामुळे कोणाचेही नुकसान होणार नाही, याची विशेष काळजी घेतली पाहिजे.

कोणाशीही भेदभाव करू नये

घरातील प्रमुख हा सर्वांच्या समस्या सोडवतो. अशा स्थितीत प्रमुखाने कधीही भेदभाव करू नये. सर्वांसाठी समान नियम आणि कायदे असले पाहिजेत. 

शिस्त पाळावी 

जीवनात कोणतेही काम शिस्तीने केले, तर ते यशस्वी होण्याची शक्यता वाढते. त्यामुळे घरच्या प्रमुखाने कुटुंबात नेहमीच शिस्त पाळली पाहिजे. यामुळे घरातील लोक जीवनात प्रगती करू शकतात.