Chanakya Niti : जर तुमच्या पत्नी, शिक्षक आणि भावात असतील 'हे' दोष, तर विचार न करता आताच व्हा दूर!

श्लोक

त्यजेद्धर्म दयाहीनं विद्याहीनं गुरुं त्यजेत्।

त्यजेत्क्रोधमुखी भार्या नि:स्नेहान्बान्धवांस्यजेत्।।

असा धर्म सोडून द्या!

आचार्य चाणक्य म्हणतात की (त्याजेधर्म दयाहीनम्) ज्या धर्मात दया नाही तो धर्म सोडून द्यावा, म्हणजेच जो धर्म दयेचा धडा देत नाही त्या धर्मापासून माणसाने स्वतःला दूर करावे. चाणक्य म्हणतात की, दयेशिवाय धर्म निरर्थक आहे. जो धर्म करुणेने भरलेला आहे तोच खरा धर्म आहे.

अशा शिक्षकाकडून शिकू नका!

विद्याहीनं गुरुं त्यजेत् अर्थात आचार्य चाणक्य यांच्या मते, ज्याला ज्ञान नाही अशा गुरुचा त्याग करावा. याचा अर्थ असा की, तुम्ही त्या गुरूपासून दूर राहावे जो तुम्हाला त्याच्या शब्दांनी मोहात पाडतो, पण तुम्हाला ज्ञान देऊ शकत नाही. असा गुरु तुमचे भविष्य अंधारात टाकू शकतो.

अशा बायकोला सोडून द्या!

त्यजेत्क्रोधमुखी भार्या अर्थात जर तुमची पत्नी क्रोधमुखी असेल, म्हणजेच तिला खूप राग येतो, तर आचार्य चाणक्य तिलाही सोडून देण्याचा सल्ला देतात. रागावलेली स्त्री कधीही घर आणि कुटुंब व्यवस्थित ठेवू शकत नाही आणि त्यामुळे कुटुंबातील भांडणे आणि वाद कधीच संपत नाहीत.

Chanakya Niti : पुरुष आणि महिलांच्या 'या' ३ सवयींवर अवलंबून आहे नात्यांचं भविष्य! काय सांगतात आचार्य चाणक्य?

अशा भावंडांपासून दूर रहा!

नि:स्नेहान्बान्धवांस्यजेत्, चाणक्य म्हणतात की ज्या बंधू-भगिनींना तुमच्याबद्दल प्रेम आणि आपुलकीची भावना नाही त्यांच्यापासूनही तुम्ही स्वतःला दूर ठेवावे. प्रेम न करणाऱ्या मित्रांना आणि नातेवाईकांना तुमच्या आयुष्यात स्थान नाही.

आचार्य चाणक्य यांचे हे शब्द आजही तितकेच प्रासंगिक आहेत जितके त्यांच्या काळात होते. सध्या तुम्हाला असे गुरु सापडतील ज्यांच्याकडे ज्ञान सोडून सर्व काही आहे. आजही चांगला गुरु मिळणे सोपे नाही. त्याच वेळी, पती-पत्नीमधील नातेसंबंधात राग हा अजूनही विभक्त होण्याचे मोठे कारण आहे; अनेक विवाह तुटण्याचे कारण राग आहे. भाऊ-बहिणींमधील प्रेमाचा अभाव तेव्हाही समाजात प्रचलित होता आणि आजही आहे. धर्माच्या दिखाऊपणामुळे समाजात अजूनही समस्या निर्माण होत आहेत. चाणक्यांनी या गोष्टी अनेक वर्षांपूर्वी सांगितल्या होत्या, पण त्या वाचल्यानंतर असे वाटते की, जणू त्या आजच्या काळासाठी लिहिल्या गेल्या आहेत.