Chanakya Niti: आचार्य चाणक्यांच्या 'या' ४ गोष्टी नेहमी लक्षात ठेवा, जीवनात कधीच होणार नाही पराभव!

प्रत्युत्थानं च युद्धं च संविभागं च बन्धुषु ।

स्वयमाक्रम्य भुक्तं च शिक्षेच्चत्वारि कुक्कुटात् ॥

आचार्य चाणक्य त्यांच्या रचना शास्त्राच्या सहाव्या अध्यायातील १७व्या श्लोकात म्हणतात की, पुस्तकांचा अभ्यास करण्याबरोबरच माणसाला सजीवांकडूनही शिकण्याची गरज आहे. कामात आणि वागण्यात एकाग्रता नसेल तर माणसाला आयुष्यात पुन्हा पुन्हा अपयशाची चव चाखावी लागते. यासाठी माणसाने कोंबडीकडून ४ सवयी शिकल्या पाहिजेत.

Chanakya Niti: 'या' महिला पतीसाठी असतात अत्यंत लकी, आयुष्यात मिळते यश आणि पैसा

कोंबडीकडून शिका ‘या’ ४ सवयी!

> आचार्य चाणक्य म्हणतात की, ब्रह्म मुहूर्तावर कोंबडा रोज उठतो. तुम्हालाही जीवनात यशस्वी व्हायचे असेल तर, रोज ब्रह्म मुहूर्तावर उठा. यामुळे तुम्हाला काम करण्यासाठी पुरेसा वेळ मिळेल. तुम्हाला अतिरिक्त वेळही मिळेल. यामुळे तुम्हाला अतिरिक्त काम/अभ्यास करण्यास वेळ मिळेल.

> कोंबडीची दुसरी सवय म्हणजे नेहमी युद्धासाठी तयार राहणे. याचा अर्थ असा आहे की, आपण नेहमी काम करण्यासाठी तयार असले पाहिजे. तुम्ही आळशी असाल तर, तुम्ही मागे राहू शकता. यासाठी तुमचे काम करण्यास सदैव तयार राहायला पाहिजे.

> कोंबडीची तिसरी सवय म्हणजे आपल्या भावांना समान वाटा देणे. देव आणि भावाच्या वाट्याचा अपहार करू नये, असे शास्त्रात सांगितले आहे. कोंबडा नेहमी आपल्या भावांना समान वाटा देतो. जर तुम्हाला जीवनात यशस्वी व्हायचे असेल, तर तुमच्या भावाला त्याचा योग्य वाटा द्या.

> कोंबडीची चौथी सवय म्हणजे धैर्याने खाणे. आचार्य चाणक्य म्हणतात की, माणसाने निर्भीडपणे अन्न खाल्ले पाहिजे. यामुळे व्यक्ती मजबूत होते. निरोगी मन आणि शरीर असण्याने व्यक्ती उत्साहाने आपले काम करू शकते. या ४ गोष्टी लक्षात ठेवल्यास माणूस आयुष्यात कधीही अपयशी होत नाही.