Chanakya Niti: चाणक्यांच्या 'या' नीतींचा अवलंब करून बनता येतं श्रीमंत, खिशात होईल पैसाच पैसा

चाणक्य नीतीच्या अनेक श्लोकांमध्ये व्यक्ती आपले जीवन कसे समृद्ध करू शकते हे देखील स्पष्ट केले आहे. चाणक्याने म्हटले आहे की, जेथे मूर्खांऐवजी ज्ञानी लोकांचा आदर केला जातो, तेथे संपत्ती वाढते. कारण जिथे ज्ञानी लोकांची पूजा केली जाते तिथे संकटे नेहमीच दूर राहतात. त्याचप्रमाणे जेथे अन्नाचा आदर केला जातो, तेथे देवी लक्ष्मीचा आशीर्वाद सदैव राहतो.

त्या ठिकाणी कोणत्याही प्रकारची कमतरता येत नाही. पती-पत्नीच्या नात्यात कधीही कटुता येत नाही आणि कौटुंबिक कलह कधीच नसतो. आचार्य चाणक्यांनी म्हटले आहे की, जिथे संपत्ती जमा होत नाही, लोक चुकीच्या कामात खर्च करतात, तिथे समृद्धी फार काळ टिकत नाही. आचार्य चाणक्य यांनी सांगितले आहे की, जर तुम्हाला सुख-समृद्धी हवी असेल तर धनसंचय करण्याकडे लक्ष द्या आणि पैशाचा अपव्यय टाळा. चांगल्या मार्गाने कमविलेल्या पैशांची बचत करत राहा. त्यामुळे तुम्हाला धनवान व्हायला मदत होईल.

Chanakya Niti: चाणक्य नीतीनुसार 'या' लोकांशी कधीच करू नये भांडण, आयुष्यभर होईल पश्चाताप

चाणक्याने म्हटले आहे की जे लोक गरजेपेक्षा जास्त खातात, ज्यांचे खाण्यावर नियंत्रण नसते, जे सर्व वेळ फक्त अन्नाचाच विचार करतात, अशा लोकांनाही लक्ष्मी फार काळ टिकत नाही. एखाद्याच्या भूकेपेक्षा जास्त खाणे देखील आरोग्यासाठी चांगले नाही. यानंतर त्यांनी सांगितले आहे की, सूर्योदय आणि सूर्यास्ताच्या वेळी विनाकारण झोपणाऱ्या लोकांसोबत देवी लक्ष्मी राहत नाही. या दोन्ही वेळी देवी-देवतांची पूजा करावी. जेणेकरून आयुष्यात सकारात्मकता येईल.

आचार्य चाणक्य सांगतात की, जे घाणेरडे कपडे घालतात आणि स्वच्छतेची काळजी घेत नाहीत त्यांना माता लक्ष्मी त्यागून देते. घर आणि स्वतःला स्वच्छ ठेवण्याचा सल्ला वडीलधारी माणसे नेहमी देतात, तरच घरात देवी लक्ष्मी येते. तसेच जे दात स्वच्छ ठेवत नाहीत त्यांचाही माता लक्ष्मी त्याग करते. आरोग्याच्या दृष्टिकोनातूनही दात स्वच्छ करणे महत्त्वाचे मानले जाते. त्यामुळे घरासोबतच स्वतःच्या शरीराची स्वछता ठेवणे आवश्यक आहे.