मराठी बातम्या  /  लाइफस्टाइल  /  Navratri Recipe: नवरात्रीच्या चौथ्या दिवशी माँ कुष्मांडाला अर्पण करा मावा मालपुआ, ही आहे रेसिपी

Navratri Recipe: नवरात्रीच्या चौथ्या दिवशी माँ कुष्मांडाला अर्पण करा मावा मालपुआ, ही आहे रेसिपी

Hiral Shriram Gawande HT Marathi
Apr 12, 2024 08:52 AM IST

Chaitra Navratri Prasad Recipe: माँ कुष्मांडाला नैवेद्यामध्ये मालपुआ अर्पण केला जातो. असे मानले जाते की या नैवेद्यामुळे माता कुष्मांडा प्रसन्न होतात आणि भक्तांना आशीर्वाद देतात. घरी मालपुआ बनवण्यासाठी ही रेसिपी पाहा.

Navratri Recipe: नवरात्रीच्या चौथ्या दिवशी माँ कुष्मांडाला अर्पण करा मावा मालपुआ, ही आहे रेसिपी
Navratri Recipe: नवरात्रीच्या चौथ्या दिवशी माँ कुष्मांडाला अर्पण करा मावा मालपुआ, ही आहे रेसिपी (Freepik)

Mava Malpua Recipe: चैत्र नवरात्रीच्या चौथ्या दिवशी दुर्गा देवीच्या कुष्मांडा रूपाची पूजा केली जाते. कुष्मांडा मातेला 'अष्टभुजा देवी' असेही म्हणतात. त्यांची पूजा केल्याने भक्ताच्या जीवनातील सर्व संकटे दूर होतात आणि मनोकामनाही पूर्ण होतात. कुष्मांडा मातेला हिरवा रंग खूप आवडतो. जर आपण माँ कुष्मांडाच्या आवडत्या नैवेद्याबद्दल बोललो तर माँ कुष्मांडा यांना मालपुआ अर्पण केला जातो. असे मानले जाते की या प्रसादाने कुष्मांडा माता प्रसन्न होते आणि भक्तांना आशीर्वाद देते. माता राणीला प्रसन्न करण्यासाठी मावा मालपुआ कसा बनवायचा ते जाणून घेऊया.

ट्रेंडिंग न्यूज

मावा मालपुआ बनवण्यासाठी साहित्य

- ३/४ कप मावा

- १/२ कप शिंगाड्याचे पीठ

- १ कप साखर

- १ कप दूध

- १०-१२ पिस्ते

- ६-७ वेलची

- तळण्यासाठी तूप

मावा मालपुआचा पाक बनवण्याची पद्धत

मावा मालपुआचा पाक बनवण्यासाठी प्रथम गॅसवर भांडे ठेवून त्यात साखर आणि अर्धी वाटी पाणी घालून उकळू द्या. पाणी उकळायला लागल्यावर पाकचा एक थेंब घेऊन तपासा. बोट आणि अंगठ्यामध्ये तपासल्यावर तार येत असेल तर तुमचा पाक तयार आहे.

मावा मालपुआ बनवण्याची पद्धत

मावा मालपुआ बनवण्यासाठी प्रथम मावा, शिंगाड्याचे पीठ आणि दूध घालून बॅटर तयार करा. आता हे बॅटर १५ ते २० मिनिटे फुगू द्या. दरम्यान पिस्ता बारीक चिरून बाजूला ठेवा आणि वेलची पूड देखील तयार करा. आता गॅसवर पॅन किंवा कढई ठेवा. त्यात तूप घालून गरम करा. तूप मध्यम गरम झाल्यावर बॅटर पुन्हा एकदा चांगले फेटून घ्या आणि चमच्याने बॅटर तुपात घाला. मालपुआ मध्यम आचेवर दोन्ही बाजूंनी हलका तपकिरी होईपर्यंत तळा. याच पद्धतीने सर्व बॅटरचे मालपूस तयार करा. आता तयार मालपुआ आधी तयार केलेल्या पाकात टाका आणि प्लेटमध्ये काढा. मालपुआच्या वर बारीक चिरलेला पिस्ता घालून सजवा. तुमचा मावा मालपुआ तयार आहे. देवीला प्रसाद म्हणून अर्पण करा. तुम्ही हे उपवासासाठी खाऊ शकता.

WhatsApp channel