Breakup Tips: ब्रेकअपनंतर जगणं कठीण झालंय, एक्सची सतत आठवण येतेय? एक्स्पर्टने दिल्या खास टिप्स
Tips for getting over a breakup: मनापासून प्रेम केलेल्या व्यक्तीला विसरणे सोपे नाही. पण रोजच्या दिनक्रमात काही गोष्टींमध्ये बदल करून तुमचे मन वळवता येते.
Tips to forget Ex: बहुतांश वेळी लोक आपलं खरं प्रेम विसरण्यात बराच वेळ घालवतात आणि त्याच्याशी निगडित आठवणी आणि खास क्षण आठवत असताना ते आपली स्वतःची ओळख कुठेतरी गमावून बसतात. अशा परिस्थितीत वेळीच त्यातून बाहेर पडणे आवश्यक आहे. अशा वेळी त्या व्यक्तीला योग्य मार्गदर्शनाची गरज असते. सांगायचं झालं तर, तुम्ही मनापासून प्रेम केलेल्या व्यक्तीला विसरणे सोपे नाही. पण रोजच्या दिनक्रमात काही गोष्टींमध्ये बदल करून तुमचे मन वळवता येते. आज आम्ही तुम्हाला अशाच काही टिप्स सांगणार आहोत, ज्यामुळे तुम्ही ब्रेकअपसारख्या या कठीण काळातून बाहेर पडू शकाल.
तुमच्या आयुष्यातून एक्सशी संबंधित सर्व गोष्टी दूर करा-
ब्रेकअपबाबत तज्ज्ञ सांगतात की, नेहमी लक्षात ठेवा जर तुमचे प्रेम माजी बनले असेल, तर समजून घ्या की तुमच्या दोघांमधील सर्व काही संपले आहे. अशा परिस्थितीत, त्याच्याशी संबंधित गोष्टी आयुष्यातून काढून टाकणे आवश्यक आहे. परंतु काही लोक त्यांच्या एक्सचा डीपी पुन्हा पुन्हा पाहत राहतात आणि नंतर तो ब्लॉक आणि अनब्लॉक करतात. असे करणे चुकीचे आहे. डीपी पुन्हा-पुन्हा पाहणे किंवा त्याचा स्टेट्स तपासणे तुम्हाला तुमच्या एक्सची आठवण करून देईल. म्हणून या सर्व गोष्टींपासून स्वतःला दूर ठेवा आणि शक्य तितक्या आठवणी स्वतःपासून दूर ठेवा.
दिनचर्येत बदल करणे आवश्यक-
ब्रेकअपसारख्या परिस्थितीमधून बाहेर पडण्यासाठी तुम्ही सर्वप्रथम स्वतःच्या दिनचर्येत आवश्यक बदल करायला हवा. यासाठी तुम्ही सकाळी उठण्याच्या वेळेत थोडासा बदल करून किंवा तुम्ही नियमितपणे करत असलेल्या गोष्टींमध्ये थोडासा बदल करून स्वतःला मदत करू शकता. आयुष्यात काही बदल करणे आवश्यक असते. तुम्ही सकाळी लवकर उठून व्यायाम, मेडिटेशन आणि योग करू शकता. किंवा रात्री झोपण्यापूर्वी पुस्तक वाचू शकता. असे केल्याने तुम्ही तुमचे प्रेम थोड्या काळासाठी विसरू शकाल आणि रुटीन बदलण्यात व्यस्त व्हाल. कोणत्याही व्यक्तीसाठी बदल स्वीकारणे सोपे नसते. परंतु हळूहळू या सवयी तुमच्या दिनचर्येत सामील होऊन मागच्या गोष्टी विसरण्यास मदत मिळते.
सत्य परिस्थिती स्वीकारा-
तुम्हाला तुमचे प्रेम विसरणे सोपे नाही. पण आयुष्य कोणत्याही व्यक्तीसाठी थांबत नाही. आयुष्य म्हणजे सतत चालणे होय. अशा परिस्थितीत तुम्ही तुमच्या ब्रेकअपचे सत्य स्वीकारा. जर तुम्हाला परिस्थिती स्वीकारण्यात अडचण येत असेल किंवा तुम्ही नैराश्याला बळी पडत आहात, असे तुम्हाला वाटत असेल तर अशा परिस्थितीत तुम्ही तज्ज्ञ किंवा कुटुंबातील सदस्यांची मदत घेऊ शकता. जवळच्या लोकांच्या मदतीने तुम्ही या परिस्थितून बाहेर पडू शकाल. शिवाय सत्य परिस्थिती स्वीकारल्यास तुम्हाला आयुष्यात पुढे जाण्याचा मार्ग खुला होईल.
नवीन लोकांना भेटा-
ब्रेकअपच्या दुःखातून बाहेर पडण्याचा सर्वोत्तम मार्ग म्हणजे आपल्या घरातून बाहेर पडणे आणि नवीन लोकांना भेटणे होय. असे केल्याने, तुम्हाला फक्त नवीन गोष्टीच समजण्यास मदत होत नाही, तर तुमच्या एक्सच्या आठवणी सहज विसरता येतील. मन वळवण्यासाठी नवीन लोकांना भेटणे चांगले आहे. तुम्ही नवनवीन लोकांना भेटल्यास तुम्हाला जुन्या गोष्टींमधून बाहेर पडणे शक्य होईल.
स्वतःसाठी वेळ काढा-
ब्रेकअपमुळे दुःखी होण्यात वेळ वाया घालवण्याऐवजी, त्या व्यक्तीबद्दल विचार करणे थांबवून, आपल्याला चांगले बनवणाऱ्या गोष्टींचा विचार करणे उत्तम आहे. तुमची कौशल्ये वाढवण्याचा विचार करा किंवा तुमच्या छंदांवर लक्ष केंद्रित करा. असे केल्याने तुम्ही त्वरीत या वेदनातून मुक्त होऊ शकाल.
