Breakfast Recipe: डाळ-तांदूळ नाही पोह्यापासून बनवा स्वादिष्ट इडली, लगेच नोट करा रेसिपी

साऊथ इंडियन डोसा-इडली जर पारंपारिक पद्धतीने बनवले, तर तुम्हाला उडीद डाळ आणि तांदूळ लागेल. परंतु जर तुम्हाला तांदूळ-डाळ न आंबवता झटपट इडली बनवायची असेल, तर तुम्ही पोहे वापरून इडली तयार करू शकता. पोहे इडली बनवणे देखील खूप सोपं आहे. खरे तर ही पद्धत डाळ-तांदळाच्या इडलीपेक्षा सोपी असेल. आज आम्ही तुम्हाला घरच्या घरी स्वादिष्ट पोहे इडली कशी बनवायची ते सांगणार आहोत. जेणेकरून तुम्हालाही त्याचा आस्वाद घेता येईल. विशेष म्हणजे लहानांपासून मोठ्यांपर्यंत सर्वानांच ही इडली प्रचंड आवडेल.

पोहा इडली बनवण्याचे साहित्य-

-पोहे - १ कप

-रवा - १ कप

-दही -१ कप

-मीठ - चवीनुसार

-इनो - १ टीस्पून

तेल (इडली पात्राला लावण्यासाठी)

पोहा इडलीची रेसिपी-

पोह्यांपासून इडली बनवण्यासाठी, सर्वप्रथम पोहे स्वच्छ धुवून घ्या. नंतर १० मिनिटे पाण्यात भिजवा. आता पोहे पाण्यातून काढून मिक्सरमध्ये बारीक करून घट्ट पेस्ट बनवा. पोह्यांची पेस्ट तयार झाल्यावर एका मोठ्या भांड्यात घेऊन त्यात रवा आणि दही मिसळा. हे मिश्रण चांगले एकजीव करून घ्या. आणि जाडसर पिठ तयार करा. जर ते खूप घट्ट झाले असेल तर त्यात थोडे पाणी मिसळा.

Breakfast Recipes: नाश्त्यात तांदळाचा डोसा बनवायला वेळ नाही? 'या' पद्धतीने झटपट बनवा रवा डोसा

आता हे तयार पिठ १५-२० मिनिटे झाकून ठेवा. म्हणजे रवा व्यवस्थित फुगतो. २० मिनिटांनंतर पिठात चवीनुसार मीठ घाला. आता इडली स्टीमर तयार करा. स्टीमरमध्ये पाणी भरून गॅसवर ठेवा उकळायला ठेवा. यासोबतच इडलीच्या साच्यात हलकेसे तेल लावा. पाणी उकळू लागले की, पिठात इनो घाला आणि लगेच मिक्स करा. इनो घातल्यानंतर पीठ वाढू लागेल. आता प्रत्येक इडलीच्या साच्यात पीठ घाला, पण साचा पूर्णपणे भरणार नाही याची काळजी घ्या. आता मध्यम आचेवर १० ते १५ मिनिटे इडल्या वाफवून घ्या. मध्यभागी चाकू किंवा टूथपीक घालून इडली तपासा. ते स्वच्छ बाहेर आल्यास इडली तयार आहे. इडली तयार झाल्यावर बाहेर काढून सांबार आणि चटणीसोबत सर्व्ह करा.