Blood Pressure: उच्च रक्तदाबामध्ये वरदान आहेत 'हे' पदार्थ, घरगुती उपयांनी सहज कंट्रोलमध्ये राहील बीपी

१) लसूण आहे फायदेशीर-

लसूण खाल्ल्याने रक्तदाब नियंत्रणात राहतो. याशिवाय लसणाचे सेवन केल्याने रोगप्रतिकारशक्ती वाढते आणि केसांची निगा राहते आणि त्वचेलाही फायदा होतो. पण लसूण शिजवून खाऊ नये कारण स्वयंपाक केल्याने त्यातील काही पोषक घटक नष्ट होतात. त्यामुळे लसूण न शिजवता पाण्यासोबत कच्चे खावे.

२) काळी मिरी देखील उपयुक्त-

जर तुमची बीपी अचानक वाढत असेल तर तुम्ही अर्धा ग्लास पाण्यात काळी मिरी पावडर टाकून प्यायल्यास तुमच्या वाढत्या बीपीमध्ये आराम मिळेल. याशिवाय काळी मिरी नियमित सेवन केल्यास अनेक गंभीर आजारांपासून बचाव होऊ शकतो. काळी मिरीमुळे पचनाच्या समस्याही होत नाहीत. इतकेच नव्हे तर शरीरात कुठेही सूज आली असेल तर काळी मिरी बारीक करून पूड लावल्याने सूज दूर होते. दातदुखीवरही काळी मिरी खूप फायदेशीर आहे.

Thyroid Problem: कशामुळे होते थायरॉईडची समस्या? जाणून घ्या कारणे आणि सोपे घरगुती उपाय

३) कांदा हा रामबाण उपाय आहे-

कांद्याचे फायदे तुम्ही ऐकलेच असतील, पण तुम्हाला माहित आहे का, कांद्याचे सेवन केल्याने रक्तदाब कमी होतो. कांद्यामध्ये क्वेर्सेटिन नावाचे फ्लेव्होनॉइड्स मुबलक प्रमाणात आढळतात. त्यामुळे रक्तवाहिन्यामधील रक्त पातळ होते. यामुळेच कांद्याचे सेवन केल्याने रक्तदाब कमी होतो.

Health Tips: 'या' लोकांनी चुकूनही खाऊ नये भेंडी, आरोग्यावर होतील वाईट परिणाम

४) आवळ्याचा फायदा होईल-

आवळा खाल्ल्याने केवळ उच्च रक्तदाबापासून आराम मिळत नाही, तर अनेक आजार दूर होतात. फक्त आवळा किंवा आवळा पावडर पाण्यात घालून प्यायल्याने तुमच्या शरीराला अनेक फायदे मिळू शकतात. याशिवाय करवंदे मधात मिसळून खाल्ल्याने शरीरात रक्ताभिसरण व्यवस्थित राहण्यास मदत होते. आवळ्याचा आहारात समावेश करून तुम्ही अनेक आजारांपासून सुरक्षित राहू शकता.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )