Black Asthma: हिवाळ्यात वेगाने पसरतोय 'ब्लॅक अस्थमा', काय आहेत या जीवघेण्या आजाराची लक्षणे आणि उपाय

ब्लॅक अस्थमा म्हणजे काय?

वास्तविक, ब्लॅक अस्थमा याला COPD म्हणजेच क्रॉनिक ऑब्स्ट्रक्टिव्ह पल्मोनरी डिसीज असेही म्हणतात. ब्लॅक अस्थमा किंवा सीओपीडीमुळे श्वासोच्छवासाच्या नळ्या आकुंचित होऊ लागतात, त्यामुळे श्वास घेण्यास त्रास होतो. काही वेळा परिस्थिती इतकी गंभीर होते की श्वास घेणे कठीण होऊन रुग्णाला रुग्णालयात दाखल करावे लागते.

ब्लॅक अस्थमाची लक्षणे-

COPD ची म्हणजेच ब्लॅक अस्थमाची लक्षणे खालीलप्रमाणे असू शकतात -

छातीत दुखणे

श्वास घेण्यास त्रास होणे

छातीत घट्टपणाची जाणीव

फुफ्फुसाचा संसर्ग

खोकल्याबरोबर जास्त कफ येणे

अचानक वजन कमी होणे

Lung Cancer Symptoms: शरीरात 'ही' लक्षणे दिसताच व्हा सावध, असू शकतो फुफ्फुसाचा कॅन्सर

ब्लॅक अस्थमा किंवा सीओपीडी ही गंभीर आणि जीवघेणी स्थिती बनू शकते आणि म्हणूनच ती गंभीर होण्याआधी त्यावर नियंत्रण ठेवायला हवे. अशा परिस्थितीत, जर तुम्हाला याच्याशी संबंधित कोणत्याही प्रकारची लक्षणे जाणवत असतील तर तुम्ही एकदा डॉक्टरांशी बोलले पाहिजे.

ब्लॅक अस्थमावर उपचार-

ब्लॅक अस्थमा किंवा सीओपीडीचा उपचार त्याच्या लक्षणांनुसार केला जातो. ज्यामध्ये सामान्यतः लक्षणांनुसार वापरल्या जाणाऱ्या औषधांचा समावेश होतो. परंतु, ब्लॅक अस्थमासाठी कोणताही इलाज नाही कारण COPD दरम्यान खराब झालेले फुफ्फुसे बरे होऊ शकत नाहीत. परंतु, औषधांच्या मदतीने ते गंभीर होण्यापासून रोखले जाऊ शकते. डॉक्टरांच्या सल्ल्यानुसार औषधे घेतल्यास त्याची लक्षणे नियंत्रणात ठेवता येतात.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )