Bharti Singh Weight Loss Tips: भारती सिंहने कसे केले १५ किलो वजन कमी? जाणून घ्या फिटनेस फंडा

भारतीने खाण्याच्या सवयी बदलल्या होत्या

भारतीने खाणेपिणे अजिबात सोडले नव्हते. तिने वजन कमी करण्यासाठी खाण्यापिण्याच्या वेळा बदलल्या होत्या. भारतीने तिच्या आहाराचा खुलासा केला आहे. भारतीने सांगितले होते की, ती अनियमित वेळेत जेवण करायची. तिला सहज कंटाळा यायचा आणि बॉर्डर लाइन डायबेटिकही होती. वजन कमी केल्यानंतर भारतीने सांगितले की, तिच्या आरोग्याविषयीच्या अनेक समस्या कमी झाल्या आहेत. तिला हलके वाटू लागले आहे. या सवयींमुळे भारतीने जवळपास १५ किलो वजन कमी केले आहे.
Haunted Places Of India: 'ही' आहेत भारतातील सर्वात भीतीदायक ठिकाणे, जाण्यापूर्वी नक्की विचार करा

काय होता भारतीचा आहार

भारतीने सांगितले की ती संध्याकाळी ७ वाजेपर्यंत ती रात्रीचे जेवण करायची. सकाळी ती १२ वाजता जेवत असते. तिने जवळपास १६ तासांच्या फास्टिंगचा रुल फॉलो केला होता. उरलेल्या ८ तासात ती सर्वकाही खात होती. रात्रीचा वेळ हा झोपण्यात जात असे त्यामुळे १६ तासांच्या फास्टिंगमध्ये बराच फायदा झाला. भारतीने असेही सांगितले होते की ती वरण, भात, तूप, लोणी, आलू पराठे असे सर्व पदार्थ ती खात होती. पण मध्येमध्ये फास्टिंग केल्यामुळे शरीरातील विषारी पदार्थ हे बाहेर टाकले जात होते. त्यामुळे चयापचनाची गती वाढत होती.
वाचा: पावसाळ्यात घराचे छत गळतय, फनिर्चरला बुरशी येतेय? वाचा कशी घ्यावी काळजी

मोजकेच खाणे

दिवसभर आपण काहीना काही पदार्थ खात असतो. त्यामुळे वजन पटकन वाढते. एकदाच खाण्यापेक्षा थोड्या थोड्या वेळाने खात जा. तुम्ही यासोबतच ४५ मिनिटे ब्रिस्क वॉक केलात आणखी फायदा होऊ शकतो. तुमचे वजन लवकर कमी होण्यास मदत होईल असे म्हटले जाते.
वाचा: लंच बॉक्समधून बाहेर येतात भाज्या किंवा तेल? 'या' सोप्या उपायांनी करा तुमचा टिफीन एअरटाइट

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)