Yoga Mantra: दीर्घायुष्य चेहऱ्यावर टिकवायचंय ग्लो तर दररोज करा ही २ योगासनं

Yoga Mantra: वातावरणात बदलामुळे आळस वाढला? ॲक्टिव्ह राहण्यासाठी करा हे प्राणायाम

भुजंगासन

भुजंगासनाला इंग्रजीत बॅकबेंड पोज किंवा कोब्रा पोज असेही म्हणतात. भुजंगासन विशेषतः अशा लोकांसाठी फायदेशीर आहे ज्यांची त्वचा सतत निस्तेज आणि निर्जीव दिसते. या आसनाच्या मदतीने शरीरातील जडपणा कमी होऊन शरीर लवचिक बनते. भुजंगासन रक्त शुद्ध करण्याचे आणि शरीरातील रक्तप्रवाह सुधारण्याचे काम करते. ज्यामुळे तुमची त्वचा चांगली आणि चमकदार बनते.

भुजंगासन करण्याची पद्धत

भुजंगासन करण्यासाठी सर्वप्रथम जमिनीवर झोपा आणि आपले तळवे खांद्याच्या रुंदीच्या अंतरावर जमिनीवर ठेवा. यानंतर आपले खालचे शरीर जमिनीवर ठेवून श्वास घ्या आणि आपली छाती जमिनीवरून वर उचला आणि छताकडे पहा. श्वास सोडा आणि तुमचे शरीर परत जमिनीवर आणा.

Yoga Mantra: महिलांनी रोज जरूर करावीत ही योगासने, राहाल फिट

सर्वांगासन

सर्वांगासन करताना डोके खाली आणि पाय वर असतात. यामुळे डोक्याच्या दिशेने रक्त प्रवाह वाढतो. ज्यामुळे त्वचेची चमक वाढते. एवढेच नाही तर या आसनाच्या नियमित सरावाने तुमच्या टाळूचे आरोग्यही सुधारते. ज्यामुळे केसांची वाढ सुधारते.

सर्वांगासन करण्याची पद्धत

सर्वांगासन करण्यासाठी योगा मॅटवर पाठीवर झोपा. हिप्स आणि पाठ वरच्या दिशेने उचला. हे करत असताना पाठीला हाताने आधार द्या. कोपर जमिनीवर टेकवा आणि हात पाठीमागे दाबताना पाठीचा कणा आणि पाय सरळ ठेवा. हे करत असताना तुमच्या शरीराचा भार मान आणि डोक्याऐवजी हात आणि खांद्यावर असावा. आता तुमचे पाय सरळ ठेवा आणि टाच वर करा. आपल्या पायाची बोटे नाकाच्या रेषेत ठेवा आणि बोटांची दिशा वरच्या दिशेने असावी. तुमची मान जमिनीवर जास्त दाबू नका. मानेच्या स्नायूंना थोडेसे ताणण्याचा प्रयत्न करा. आपली छाती आपल्या हनुवटीच्या दिशेने दाबा. दीर्घश्वास घेत रहा आणि ३०-६० सेकंद या स्थितीत रहा. 

Yoga Mantra: हिप्स आणि कंबरेवर जमा झालेली चरबी काही दिवसात कमी करतील हे योगासन

मग हळू हळू गुडघे खाली आणा. तळवे खाली तोंड करून आपले हात जमिनीवर आणा. हळूहळू तुमचा मणका खाली करा आणि हळूवारपणे तुमचे डोके वर करा. आपले पाय जमिनीवर ठेवा आणि आराम करा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)