Besan Ladoo Recipe: बेसन लाडू टाळूला चिकटतो, बेसनाचा कच्चा वास येतो? या सोप्या पद्धतीने बनवा खमंग लाडू

तुमच्यासोबतची या गोष्टी घडत असतील. तर आता चिंता करण्याची गरज नाही आज आम्ही तुम्हाला बेसनाच्या लाडूची एक सोपी आणि खमंग रेसिपी सांगणार आहोत. बेसनाचे लाडू चविष्ट होण्यासाठी ते बनल्यानंतर ते जास्त कडक होऊ नयेत आणि बेसनही चांगले भाजलेले पाहिजे हे खूप महत्त्वाचे आहे. आमची रेसिपी फॉलो करून तुम्ही सहज चविष्ट बेसन लाडू तयार करू शकाल.

बेसन लाडू बनवण्यासाठी साहित्य-

-बेसन - २ वाट्या

-तूप - १ कप

-पिठीसाखर - १ कप

-काजू – १० (चिरून)

- बदाम - १०

-पिस्ता - १ टीस्पून

-वेलची पावडर -१ टीस्पून

Chakali Recipe: कधी मऊ तर कधी कडक होते चकली? या सोप्या रेसिपीने बनेल बाजारासारखी खुसखुशीत

बेसनाचे लाडू बनवण्याची पद्धत-

बेसनाचे लाडू बनवण्यासाठी सर्व सर्वप्रथम एक जाड तळाची कढई घ्या. आणि त्यात तूप घालून मंद आचेवर गरम होऊ द्या. तूप गरम होऊन वितळल्यावर त्यात बेसन घालून मिक्स करा. यानंतर बेसन ढवळत असताना मंद आचेवर साधारण १२-१३ मिनिटे भाजून घ्या. बेसनाचा रंग हलका तपकिरी होईपर्यंत आणि त्यातून एक तुपाचा खमंग वास येईपर्यंत भाजून घ्यावे लागते. त्यामुळे लाडू बनवल्यानंतर बेसनाचा कच्चा वास येत नाही.

आता काजू आणि बदाम घ्या आणि त्यांचे लहान तुकडे करा. नंतर बेसनमध्ये चिरलेले काजू आणि बदाम घालून चांगले मिक्स करावे. यानंतर बेसनावर थोडे पाणी शिंपडून भाजून घ्या. यामुळे बेसन दाणेदार होण्यास मदत होईल. शिवाय लाडू टाळूला अजिबात चिकटणार नाही. आता बेसनावरचे पाणी आटेपर्यंत भाजून घ्या. यानंतर गॅस बंद करा. आता एक मोठी प्लेट घ्या आणि त्यात बेसनचे मिश्रण काढा.

Zarda Recipe: ईद ए मिलादसाठी बनवा चविष्ट जर्दा, सोपी आहे रेसिपी

बेसन थोडा वेळ थंड होण्यासाठी बाजूला ठेवा. बेसनाचे मिश्रण थोडं कोमट झालं की, त्यात पिठीसाखर आणि वेलची पूड टाकून बेसन मिक्स करून घ्या. दोन्ही हातांनी मिश्रण चांगले मिसळा. साखर आणि बेसन नीट एकजीव झाल्यावर बेसनाचे मिश्रण दोन्ही हातात घेऊन दाबून लाडू बांधायला सुरुवात करा. तयार लाडू एका ट्रे किंवा प्लेटमध्ये वेगळे ठेवा आणि हलके दाबून त्यावर पिस्त्याचे काप चिकटवा. अशा प्रकारे तुमचे स्वादिष्ट बेसन लाडू तयार आहेत.