Body Lotion Benefits: रोज बॉडी लोशन लावल्याने त्वचेला मिळतात 'हे' फायदे! तुम्हीही वापराल
Beauty Tips: अनेक जण बॉडी लोशन वापरत नाहीत. पण तुम्हाला माहित आहे का की याचा वापर केल्याने तुम्हाला अनेक फायदे मिळू शकतात, जाणून घ्या.
Benefits of Applying Body Lotion: स्किन केअरसाठी चांगल्या बॉडी लोशनचा वापर करणं खूप गरजेचं आहे. याचा नियमित वापर केल्याने त्वचेला अनेक फायदे मिळतात. परंतु तरीही असे बरेच लोक आहेत जे त्याचा वापर टाळतात. त्वचेची नीट काळजी घेण्यासाठी योग्य स्किन केअर रूटीन फॉलो करणे खूप आवश्यक आहे. आपल्या रूटीनमध्ये बॉडी लोशनचा वापर करण्याचे काही आश्चर्यकारक फायदे आम्ही येथे सांगत आहोत. हे जाणून घेतल्यास तुम्ही सुद्धा तुमच्या डेली स्किन केअर रूटीनमध्ये त्याचा नक्कीच समावेश कराल.
१. त्वचा हायड्रेटेड राहते
विविध पर्यावरणीय घटकांमुळे आपली त्वचा ओलावा गमावते. ज्यामुळे कोरडेपणा आणि लवचिकता कमी होते. अशा वेळी त्वचेला हायड्रेट करण्यासाठी पाणी पिण्यासोबतच बॉडी लोशनचा वापर करणं गरजेचं आहे. हे ड्राय स्किन बरी करण्यास मदत होते.
२. त्वचा मुलायम होईल
जे लोक बॉडी लोशन वापरत नाहीत, त्यांची त्वचा खूप कडक होते. अशा वेळी बॉडी लोशनचा वापर करणे आवश्यक आहे. बॉडी लोशनचा वापर करून रुक्ष त्वचा बरी केली जाऊ शकते. त्याचबरोबर ते त्वचेला मुलायम आणि ओलसर ठेवतात.
३. स्किन हेल्थ होईल बूस्ट
त्वचेच्या हायड्रेशनला प्रोत्साहन देऊन आणि त्वचेची लवचिकता वाढवून बॉडी लोशन त्वचा उजळण्यास मदत करते. जर आपण कोणतेही हर्बल लोशन वापरत असाल तर आपण ड्राय पॅचेस सहजपणे कमी करू शकता.
४. एजिंगचे लक्षणं कमी करण्यास मदत
अँटी-एजिंग घटक असलेले बॉडी लोशन वापरल्याने सुरकुत्या, बारीक रेषा आणि पिग्मेंटेशन सारख्या वृद्धत्वाची चिन्हे कमी होण्यास मदत होते. कोरडेपणा, मुरुम, एक्जिमा इत्यादी समस्या असतील तर बॉडी लोशनचा वापर करा, ज्यामुळे समस्या दूर होण्यास मदत होते.
५. चांगला सुगंध
सुगंध असलेले सॉफ्ट आणि क्रीमी बॉडी लोशनमुळे तुमची त्वचा चांगली वाटू शकते. त्याचबरोबर त्याच्या सुगंधामुळे तुम्हाला सुद्धा बरे वाटू शकतो.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
