Rose Water Benefits: स्किन केअरसाठी बेस्ट आहे गुलाब जल, तुम्हाला माहीत आहेत का हे फायदे?
Beauty Tips in Marathi: स्किन केअरमध्ये गुलाब जलचा वापर करणे चांगले मानले जाते. याचा वापर करून तुम्ही अनेक फायदे मिळवू शकता. कोणते ते येथे पाहा.
Benefits of Rose Water or Gulab Jal: गुलाब जल त्वचेसाठी खूप फायदेशीर आहे. याचा वापर टोनर, मॉइश्चरायझर किंवा क्लींजर म्हणून केला जाऊ शकतो. तसं तर खूप कमी लोक याचा नियमित वापर करतात. पण तुम्हाला माहीत आहे का गुलाब जलचे स्किन केअरसाठी भरपूर फायदे आहे. हे फायदे ऐकून तुम्ही देखील गुलाब जल रोज वापरायला सुरुवात कराल. चला तर मग जाणून घ्या त्वचेवर गुलाब जल वापरण्याचे फायदे
गुलाब जलचे फायदे (benefits of gulab jal)
त्वचेला हायड्रेट आणि मॉइश्चरायझ करते
गुलाब जल त्वचेला हायड्रेट आणि मॉइश्चरायझ करते. यात नैसर्गिक तेल असते जे ओलावा टिकवून ठेवण्यास मदत करतात. यामुळे त्वचा मुलायम होते. त्वचा हायड्रेटेड ठेवण्यासाठी दिवसभर फेस मिस्ट म्हणून याचा वापर करता येतो.
त्वचेला आराम देते
गुलाब जलमध्ये अँटी इंफ्लेमेटरी गुणधर्म असतात जे लालसरपणा आणि जळजळ कमी करण्यास मदत करतात. सेंसेटिव्ह स्किनसाठी हा सर्वोत्तम पर्याय आहे. हे मुरुम, रोसेसिया किंवा एक्झामामुळे होणारी जळजळ शांत करण्यास मदत करू शकते.
फाइन लाइन्स आणि सुरकुत्या कमी करते
गुलाब जलमध्ये अँटीऑक्सिडंट्स असतात जे फ्री रॅडिकल्समुळे त्वचेचे नुकसान होण्यापासून संरक्षण करतात. हे कोलेजन उत्पादनास चालना देऊन त्वचेची लवचिकता सुधारून फाइन्स लाइन्स आणि सुरकुत्या कमी करण्यास मदत करते.
पीएच लेव्हल संतुलित करण्यास मदत
गुलाब जल एक उत्तम फेस टोनर मानले जाते, जे त्वचेची पीएच लेव्हल संतुलित करण्यास मदत करते. याचा वापर केल्याने मुरुमांचा धोका कमी करण्यास मदत होते.
घाण साफ होते
गुलाब जलमध्ये नैसर्गिक क्लीजिंग गुणधर्म असतात जे त्वचेवरील घाण, तेल आणि अशुद्धी काढून टाकण्यास मदत करतात. मेकअप काढण्यासाठी हे सौम्य क्लींजर म्हणून वापरता येते. हे छिद्र उघडण्यास आणि त्वचेतून अतिरिक्त तेल काढून मुरुम रोखण्यास मदत करू शकते.
छिद्र घट्ट करण्यास मदत
गुलाब पाणी छिद्र घट्ट करण्यास मदत करते. ज्यामुळे मुरुम आणि ब्लॅकहेड्सचा धोका कमी होतो. टोनर म्हणून गुलाब जल वापरल्याने त्वचेचा पोत सुधारण्यास आणि ती मऊ होण्यास मदत होते.
डार्क सर्कल कमी होतात
डोळ्यांभोवती सूज आणि डार्क सर्कल कमी करण्यासाठी गुलाब जलचा वापर करा. थकलेल्या डोळ्यांना शांत करण्यासाठी आणि सूज कमी करण्यासाठी हे कॉटन बॉल किंवा स्प्रे बॉटलने लावता येते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या