Atta Ladoo Recipe : हिवाळ्यात आवर्जून बनवा 'आटा लाडू'; आजीच्या हातची 'ही' रेसिपी आताच लिहून ठेवा!
Atta Ladoo Recipe In Marathi : आटा म्हणजेच गव्हाच्या पीठाचे लाडू तुमच्या आरोग्याला हानी न पोहोचवता तुमची गोड खाण्याची लालसा पूर्ण करण्यास मदत करतात.
Atta Ladoo Recipe In Marathi : थंडीच्या वातावरणात प्रत्येकजण साधं जेवण खात असतो. इतकंच नाही या काळात भूक देखील खूप वाढते. त्यामुळे या ऋतूत वजनही झपाट्याने वाढते. काही लोकांना या काळात गोड खाणीची लालसा खूप वाढते. अशावेळी आटा लाडू म्हणजेच गव्हाच्या पीठाचे लाडू तुम्हाला गोड खाण्याच्या लालसेवर नियंत्रण ठेवण्यास आणि वजन न वाढवता समाधानी राहण्यास मदत करतील.
आटा लाडू बनवणे खूप सोपे आहे आणि त्यासाठी जास्त मेहनत करावी लागत नाही. आपल्याला फक्त ते बनवण्याची योग्य पद्धत माहीत असणे आवश्यक आहे. आटा लाडू तुमच्या आरोग्याला हानी न पोहोचवता तुमची गोड लालसा पूर्ण करण्यास मदत करतात. यात फायबरसह इतर पोषक घटकांचा समावेश असतो. विशेषतः थंडीच्या मोसमात हे खूप पौष्टिक . पूर्वीच्या काळी थंडी सुरू होताच घरातील स्त्रिया डबा भरून आटा लाडू तयार करायच्या ((आटा लाडू कसे बनवायचे) ) जर तुम्हा सगळ्यांनाही त्याचा आनंद घ्यायचा असेल तर या लेखात. आटा लाडू ची रेसिपी आणि त्याचे महत्वाचे फायदे देखील सांगितले आहेत, चला ते कसे बनवायचे ते जाणून घेऊया.
आटा लाडू रेसिपी:
२ वाट्या मैदा,
तूप,
गूळ,
वेलची,
बदाम,
काजू,
बेदाणे,
पिस्ता
आटा लाडू बनवण्याची कृती :
> सर्व प्रथम मध्यम आचेवर पीठ भाजून घ्या . हलकं तपकिरी होईपर्यंत भाजून घ्या.
> पीठ जळणार नाही याची काळजी घ्या. नंतर गॅस बंद करा.
> दुसरीकडे सुक्या मेव्याचे लहान-लहान तुकडे करा आणि दुसऱ्या भांड्यात कोरडे भाजून घ्या.
> आता गूळ मिक्सरच्या भांड्यात बारीक करा. याऐवजी गूळ पावडर देखील वापरू शकता.
> तूप वितळवून पिठावर गरम तूप टाका आणि चांगले मिसळा. तूप गरम असले पाहिजे, तरच तुम्ही लाडूला आकार देऊ शकाल.
> तूप घातल्यानंतर त्यात गूळ, वेलची आणि ड्रायफ्रुट्सही टाका . सर्वकाही नीट मिसळा, आवश्यक असल्यास आणखी थोडे तूप घालू शकता. याचे मिश्रण तयार करा.
> आता तळहातावर तूप लावा आणि लाडूला गोल आकार द्या आणि वर मनुका किंवा काजू लावा. तुमचे लाडू झाले तयार!
Achari Paneer Roll: लहान मुलांसाठी बनवा टेस्टी आचारी पनीर रोल, डबा होईल मिनिटात फस्त! नोट करा रेसिपी
आटा लाडूचे फायदे जाणून घ्या :
ऊर्जा वाढवते : गव्हाच्या पिठात असलेले कॉम्प्लेक्स कार्बोहायड्रेट्स तुमच्या शरीराला सतत ऊर्जा देतात, ज्यामुळे तुम्हाला दिवसभर उत्साही राहण्यास मदत होते. पण याचा अर्थ असा नाही की दिवसातून ५-७ लाडू खावेत.
पचन सुधारते: गव्हाच्या पिठात असलेले फायबर पचनास मदत करते आणि बद्धकोष्ठतेपासून आराम देते. हिवाळ्यात पचनक्रिया मंदावते, अशा परिस्थितीत पिठाचे लाडू खाल्ल्याने पचन क्रिया सक्रिय राहण्यास मदत होईल.
प्रतिकारशक्ती वाढवते : आटा लाडू बनवताना वापरण्यात येणारे तूप आणि ड्रायफ्रुट्स यांसारख्या घटकांमध्ये अँटिऑक्सिडंट्स असतात. जे रोगप्रतिकारक शक्ती मजबूत करतात, ज्यामुळे तुमचे शरीर सर्व प्रकारच्या संक्रमणांशी लढण्यासाठी पूर्णपणे तयार होते आणि तुम्ही थंड हवामानात सुरक्षित राहता. वृद्धांनी हिवाळ्यात हे लाडू आवर्जून खावेत.
हृदयाच्या आरोग्यासाठी फायदेशीर : सुक्यामेव्यामुळे खराब कोलेस्ट्रॉलची पातळी कमी होते, ज्यामुळे हृदयविकाराचा धोका कमी होतो. हृदयाशी संबंधित समस्यांनी ग्रस्त असलेल्या लोकांना त्यांच्या आहाराबद्दल अधिक जागरूक असणे आवश्यक आहे, अशा परिस्थितीत ते या स्वादिष्ट आटा लाडूचा आनंद घेऊ शकतात.
मेंदूसाठी फायदेशीर: सुक्या मेव्यामध्ये असलेले ओमेगा-३ फॅटी ऍसिड्स संज्ञानात्मक कार्य आणि स्मरणशक्ती वाढवू शकतात. यासोबतच गव्हाचे पीठ आणि तूप देखील तुमच्या आरोग्यासाठी फायदेशीर आहे.
संबंधित बातम्या