Health Tips: 'या' लोकांनी चुकूनही खाऊ नये सफरचंद! आरोग्यावर होतात मोठे दुष्परिणाम

ऍलर्जी-

काही लोकांना सफरचंद खाण्याची ॲलर्जी असू शकते. अशा लोकांना सफरचंद खाल्ल्यानंतर त्वचेवर खाज सुटणे, पुरळ येणे आणि सूज येण्याचा त्रास होऊ शकतो. तुम्हालाही सफरचंद खाण्याची ॲलर्जी असेल तर चुकूनही त्याचे सेवन करू नका.

लठ्ठपणा-

ज्यांना आधीच लठ्ठपणाचा त्रास आहे, त्यांनी जास्त प्रमाणात सफरचंद खाणे टाळावे. सफरचंदमध्ये जास्त प्रमाणात कॅलरी आणि साखरेचे प्रमाण असल्याने तुमचे वजन आणखी वाढू शकते. जर तुम्ही वजन कमी करण्याचा प्रयत्न करत असाल तर सफरचंदाचे सेवन मर्यादित प्रमाणात करावे.

अतिसार-

अतिसाराचा त्रास असलेल्या लोकांनीदेखील सफरचंद जास्त प्रमाणात खाऊ नये. सफरचंदात असलेले फायबर आतड्याची हालचाल वाढवते. त्यामुळे सफरचंदाचे जास्त सेवन केल्याने डायरिया म्हणजेच अतिसारची समस्या आणखी वाढू शकते.

मधुमेह-

मधुमेहाच्या रुग्णांनीही सफरचंदाचे जास्त सेवन करू नये. सफरचंदांमध्ये नैसर्गिक साखरेचे प्रमाण जास्त असते. ज्यामुळे रक्तातील साखरेची पातळी आणखी वाढते. मधुमेहाच्या रुग्णांनी सफरचंदाचे सेवन डॉक्टरांच्या सल्ल्यानेच करावे.

Health Tips: चुकूनही फ्रिजमध्ये ठेऊ नका 'या' वस्तू! आरोग्यावर होतील भयानक परिणाम

पचनाची समस्या-

जे लोक आधीच पचनाच्या समस्यांनी त्रस्त आहेत, त्यांनी जास्त प्रमाणात सफरचंद खाणे टाळावे. यामध्ये असणारे फायबर पचनसंस्था निरोगी ठेवतात. पण जर सफरचंद जास्त प्रमाणात खाल्ल्यास गॅस, पोटदुखी आणि पोटात मुरड मारणे असे त्रास होऊ शकतात.

रक्तातील साखरेची पातळी वाढू शकते-

सफरचंदात पोटॅशियम, फायबर, लोह, कार्बोहायड्रेट्स आणि मॅग्नेशियमचे भरपूर प्रमाण असते. रिपोर्ट्सनुसार असे सांगण्यात येते की याचे जास्त प्रमाणात सेवन केल्याने रक्तातील साखरेची पातळीदेखील वाढू शकते. त्यामुळे जास्त प्रमाणात खाणे आरोग्यासाठी चांगले नाही.

तुम्ही एका दिवसात किती सफरचंद खाऊ शकता?

सरासरी एक व्यक्ती दिवसातून एक ते दोन सफरचंद खाऊ शकते. जर तुम्ही यापेक्षा जास्त सफरचंद खात असाल तर, तुमच्या आरोग्याला हानी पोहोचू शकते. सफरचंद जास्त प[प्रमाणात खाल्य्याने तुम्हाला विविध परिणाम दिसू शकतात.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )