मराठी बातम्या  /  लाइफस्टाइल  /  Alia Bhatt Fitness: प्रेग्नेंसीनंतर आलिया भट्टने वेट लॉससाठी केला हा व्यायाम, तुम्हीही करू शकता

Alia Bhatt Fitness: प्रेग्नेंसीनंतर आलिया भट्टने वेट लॉससाठी केला हा व्यायाम, तुम्हीही करू शकता

Hiral Shriram Gawande HT Marathi
Mar 15, 2024 07:30 PM IST

Alia Bhatt Birthday Special: मुलगी राहाच्या जन्मानंतर आलिया भट्टने अवघ्या चार महिन्यात तिचा जुना आकार परत मिळवला. आलिया भट्टच्या वाढदिवशी जाणून घ्या तिने प्रेग्नेंसीमध्ये वाढलेले वजन कसे कमी केले.

आलिया भट्ट वाढदिवस स्पेशल - प्रेग्नेंसीनंतर वजन कमी करण्यासाठी व्यायाम
आलिया भट्ट वाढदिवस स्पेशल - प्रेग्नेंसीनंतर वजन कमी करण्यासाठी व्यायाम (Insta)

Alia Bhatt Weight Loss After Pregnancy: आलिया भट्ट १५ मार्च रोजी तिचा ३१ वा वाढदिवस साजरा करत आहे. लग्नानंतर आणि आई बनल्यानंतर सध्या पूर्णपणे सक्रीय असलेली आलिया भट्ट चाहत्यांच्या पसंतीस उतरली आहे. वर्कफ्रंट असो किंवा फॅमिली, सर्वत्र ती समतोल राखताना दिसते.मुलगी राहाच्या जन्मानंतर तिची फिगर ट्रान्सफॉर्मेशन सर्वांना आश्चर्यचकित करणारी होती.अवघ्या ४ महिन्यांत ती तिच्या जुन्या आकारात परत आली होती. आलिया भट्टने व्लॉगमध्ये शेअर सुद्धा केले होते की, ती तिचे वजन कसे कमी करत आहे.

चार महिन्यात आली जुन्या शेपमध्ये

मुलगी राहाच्या जन्मानंतर अवघ्या चार महिन्यांतच आलिया भट्ट तिच्या जुन्या शेपमध्ये परतली. यासाठी तिने खूप मेहनत घेतली होती.ज्याचा व्हिडिओही ती चाहत्यांसोबत शेअर करताना दिसली.

एरियल योगा करताना दिसली

आलिया भट्टने इंस्टाग्रामवर फोटो शेअर केले होते. ज्यामध्ये ती एरियल योगा करताना दिसली. यासोबत तिने कॅप्शन लिहिले की, आई झाल्यानंतर ती पहिल्यांदाच प्रयत्न करत आहे.

कोअर एक्सरसाइज

प्रेग्नेंसीनंतर महिलांचे एब्डॉमिनल मसल्स कमकुवत होतात. अशा परिस्थितीत आलिया भट्टने सर्वात आधी आपले कोअर मजबूत केले. कोअर एक्सरसाइजच्या मदतीने ती तिची ताकद परत मिळवू शकली.

ब्रीदिंग आणि बॅलेंस एक्सरसाइज

आलिया भट्टने सांगितले की, वर्कआउटच्या पहिल्या आणि दुसऱ्या आठवड्यात तिने ब्रीदिंग एक्सरसाइज आणि चालण्यावर लक्ष केंद्रित केले. जेणेकरून शरीराचा समतोल राखला जाईल.

सूर्यनमस्कारामुळे मिळणारी लवचिकता

सूर्यनमस्कार हा निरोगी राहण्याचा सर्वोत्तम मार्ग आहे. याशिवाय ते शरीराला लवचिक बनवते. आलिया भट्टची ट्रेनर अनुष्का परवानी हिने शेअर केले होते की ती १०८ सूर्यनमस्कार करते. त्यामुळे शरीराचे पोश्चर आणि लवचिकता सुधारते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)