Chanakya Niti: आचार्य चाणक्यनुसार, तुमच्या 'या' चुकांमुळे होत नाही प्रगती, सतत येते अपयश

महिलांशी गैरवर्तन-

आचार्य चाणक्य यांच्या मते, असे लोक जीवनात कधीही सुखी राहू शकत नाहीत, जे स्त्रियांशी गैरवर्तन करतात किंवा असभ्य वर्तन करतात. जेव्हा एखादी व्यक्ती असे करते तेव्हा त्याची प्रगती थांबते. चाणक्यने असेही म्हटले आहे की, ज्या घरांमध्ये महिलांचा सन्मान होत नाही तेथे प्रगती कधीच होऊ शकत नाही. कारण अशा स्त्रियांचा अपमान होणाऱ्या घरांमध्ये देवी लक्ष्मी कधीच राहत नाही.

मोठ्यांचा आणि मुलांचा अपमान करणे-

चाणक्य नीतीनुसार, ज्या घरांमध्ये वडीलधाऱ्यांचा आणि मुलांचा अपमान केला जातो त्या घरांमध्ये नेहमीच संकटाचा धोका असतो. ज्या घरांमध्ये असे घडते ते लोक कधीही त्यांचे पैसे सुरक्षितपणे ठेवू शकत नाहीत आणि त्यांना अनेकदा आर्थिक संकटातून जावे लागते. नकारात्मक ऊर्जेची सावलीही या घरांमध्ये राहते.

हेही वाचा-   Chanakya Niti: 'या' लोकांनां कधीच बोलावू नका आपल्या घरी, हिरावून घेतात आनंद, करतात उध्वस्त

उपासनेचा अभाव-

आचार्य चाणक्य यांच्यानुसार, ज्या घरांमध्ये पूजा केली जात नाही किंवा देवाचे नाव घेतले जात नाही, अशा लोकांना नेहमी त्रास होतो. अशा घरांमध्ये राहणारे लोक नेहमी दुःखी असतात आणि त्यांना नेहमी कोणत्या ना कोणत्या समस्येचा सामना करावा लागतो. या घरांमध्ये राहणाऱ्या लोकांचे काम दिवसेंदिवस खराब होत जाते.शिवाय अशा घरांमध्ये नेहमीच नकारात्मक ऊर्जा वास करते. ज्यामुळे तुम्ही प्रयत्न करूनही प्रगती नाही.