गोव्यात एका रात्रीत पर्यटकांनी रूममध्ये केलं असं काही, पाहून मालकाला बसला धक्का, पाहा Viral Video
Goa Viral Video: गोव्यातील होमस्टेच्या मालकाने पर्यटकांना दिल्यानंतर त्याच्या घराची अवस्थाही दाखवली आहे. तसेच, लोकांना इतरांच्या घरांबद्दल थोडे दयाळूपणे वागण्याची विनंती करण्यात आली आहे.
Social Media Viral Video: होमस्टेची संकल्पना अशी आहे की प्रवासी स्थानिक व्यक्तीने होस्ट केलेल्या घरात राहतो. जे तो ॲपच्या माध्यमातून आधीच बुक करतो. भारतातील अनेक सुंदर पर्यटन स्थळांमध्ये ही संकल्पना गेल्या काही वर्षांपासून ट्रेंडमध्ये आहे. परंतु काही वेळा काही दिवस होमस्टेवर घर दिल्यानंतर मालकांना त्यांच्या घराची दुरवस्था दिसून येते. गोव्यातील होमस्टेच्या मालकाने पर्यटकांना दिल्यानंतर त्याच्या घराची अवस्थाही दाखवली आहे. तसेच, लोकांना इतरांच्या घरांबद्दल थोडे दयाळूपणे वागण्याची विनंती करण्यात आली आहे. व्हिडिओ व्हायरल झाल्यानंतर, इंटरनेट वापरकर्ते होमस्टेच्या दुर्दशेवर तीव्र प्रतिक्रिया व्यक्त करताना दिसत आहेत.
कशी झालीय होमस्टेची अवस्था-
इंस्टाग्रामवर शेअर केलेला व्हिडीओ होमस्टेच्या आतील स्थिती दर्शवतो. व्हिडिओ रेकॉर्डिंग करताना, मालकाने पाहुण्याकडे सोपवल्यानंतर आणि ते गेल्यानंतर घराच्या स्थितीची छायाचित्रे अपलोड केले आहेत. ज्यामध्ये पाहुणे येण्यापूर्वी स्वयंपाकघर स्वच्छ असते. त्यांच्या जाण्यानंतर स्वयंपाकघर पूर्णपणे अस्वच्छ होते. पाहुणे गेल्यानंतर स्वयंपाकघरातील भांड्यांपासून ते घरातील पलंगापर्यंत सर्व काही विखुरलेले दिसत आहे.
हा व्हिडिओ बनवताना त्या व्यक्तीने सांगितले की, जेव्हा त्याने पाहुण्याला घराच्या अशा स्थितीबद्दल विचारले तेव्हा त्यांनी त्याच्या विरोधात तक्रार केली. होमस्टेचे मालक पुढे म्हणतात की, तुम्ही कधीही एअर बीएनबी बुक केल्यास, हे लक्षात ठेवा की कोणीतरी ते मनापासून आणि आत्म्याने बांधले असेल. अशा परिस्थितीत कृपया त्याच्याशी प्रेमाने वागा.
इन्स्टाग्रामवर रील पोस्ट करत @goldenperch_goa लिहिले - दोन वर्षे होमस्टे होस्ट केल्यानंतर, आम्हाला समस्यांचा सामना करावा लागला. जेव्हा तुम्ही खूप मेहनत करून एखादी गोष्ट बनवता आणि कोणी ती नष्ट करते तेव्हा तुमच्या आत काहीतरी मरते. पण आम्ही गोष्टी पुन्हा चांगल्या करू.
आम्ही दिलेल्या घरासारखे घर दिसावे अशी आमची अपेक्षा नाही. पण अशा गडबडीत सगळे सोडणे हे कोणत्याही वादाच्या पलीकडे आहे. निदान आपण इतरांचा थोडा तरी विचार केला पाहिजे. या व्हिडिओला 10 लाख व्ह्यूज मिळाले आहेत. त्याला 21 हजार युजर्सनीही लाइक केले आहे. तर कमेंट विभागात 1700 हून अधिक प्रतिसाद आले आहेत.
पर्यटनास गेल्यास फॉलो करा 'या' टिप्स-
>आपण ज्या ठिकाणी जातो त्याठिकाणी कोणत्याही गोष्टीची तोडफोड होणार नाही याची काळजी घ्या.
> आपले साहित्य किंवा इतर कचरा योग्य ठिकाणी विल्हेवाट लावा.
>विनाकारण तेथील कर्मचाऱ्यांशी हुज्जत घालणे टाळा.
> शिवाय बाहेरील पर्यटक येत असल्याने आपल्या देशाचा मानसन्मान राखला जाईल असेच वर्तन करा.
संबंधित बातम्या