World Heritage Day: भारतातील या ५ हेरिटेज साइटला भेट द्यायलाच हवी!
मराठी बातम्या  /  लाइफस्टाइल  /  World Heritage Day: भारतातील या ५ हेरिटेज साइटला भेट द्यायलाच हवी!

World Heritage Day: भारतातील या ५ हेरिटेज साइटला भेट द्यायलाच हवी!

Published Apr 18, 2023 07:18 AM IST

Travel and Tourism: जागतिक हेरिटेज डे हा दिवस १९८३ मध्ये साजरा करण्यास सुरुवात झाली.

UNESCO World Heritage Sites
UNESCO World Heritage Sites (Pixabay )

World Heritage Day 2023: दरवर्षी १८ एप्रिल हा दिवस जागतिक वारसा दिन/ जागतिक हेरिटेज डे म्हणून साजरा केला जातो. जगभरातील ऐतिहासिक वास्तू, पुरातत्व स्थळे आणि वास्तूंचे जतन करणे किती महत्त्वाचे आहे याविषयी जनजागृती करणे हे हा दिवस साजरा करण्याचा उद्देश आहे. भारतात ४० वारसा स्थळे आहेत ज्यांना युनेस्कोने मान्यता दिली आहे. सांस्कृतिक, नैसर्गिक आणि मिश्र गुणधर्म यासारखे घटक जागतिक वारशाच्या (हेरिटेजच्या) प्रमाणात येतात. हा दिवस १९८३ मध्ये साजरा करण्यास सुरुवात झाली. या लेखात आम्ही तुम्हाला भारतातील ५ प्रसिद्ध वारसा स्थळांबद्दल सांगणार आहोत.

म्हैसूर पॅलेस

जागतिक वारसा म्हैसूर पॅलेस कर्नाटकातील प्रसिद्ध शहर म्हैसूर येथे आहे, जे १८९७ ते १९१२ दरम्यान बांधले गेले. भारतीय संस्कृती जवळून जाणून घेण्यासाठी हे सर्वोत्तम ठिकाण आहे. याला अंबा पॅलेस असेही म्हणतात. त्याची वास्तू आणि सुंदर बाग देखील हे एक आकर्षक पर्यटन स्थळ बनवतात.

ग्वाल्हेर किल्ला

मध्य प्रदेशात अनेक पर्यटन स्थळे आहेत, पण इथे येणारे ग्वाल्हेर किल्ला बघायला नक्कीच जातात. हा किल्ला त्याच्या अप्रतिम वास्तुकला आणि अनोख्या इतिहासासाठी प्रसिद्ध आहे. ऐतिहासिक महत्त्वासोबतच त्याचे सौंदर्यही लोकांना आकर्षित करते.

फतेहपूर सिक्री

हे उत्तर प्रदेशातील आग्रा जवळील युनेस्कोचे जागतिक वारसा स्थळ आहे, ज्याचा इतिहास मुघल शासक अकबराशी जोडलेला आहे. त्यात इस्लामिक, पर्शियन आणि भारतीय वास्तुविशारदांनी काम केले. बुलंद दरवाजा आणि जामा मशीद ही प्रसिद्ध पर्यटन स्थळेही जवळ आहेत.

ताजमहाल, आग्रा

ताजमहाल, भारताची शान आणि जगातील आश्चर्यांपैकी एक, मुघल सम्राट शाहजहानने १७ व्या शतकात बांधला होता. त्याचे सौंदर्य जगभरातील लोकांना वेड लावते. या वारसास्थळाला प्रेमाचे प्रतीक म्हणूनही ओळखले जाते.

हंपी

हंपी हे दक्षिण भारतातील एक गाव आहे जे ऐतिहासिक शहर म्हणून गणले जाते. भारतीय संस्कृतीचे उत्तम प्रकारे सादरीकरण करणारे हे कर्नाटकातील गाव आहे. जर तुम्ही दक्षिण भारतात फिरण्याचा विचार करत असाल तर तुम्ही या ऐतिहासिक गावाला भेट दिलीच पाहिजे.

Whats_app_banner