Throwback : शाहरुख, सलमानच नव्हे, बॉलिवूडच्या दिग्गजांसोबत केलंय काम! फोटोतील ‘या’ अभिनेत्रीला ओळखलं का?

सध्या या लोकप्रिय अभिनेत्रीच्या कॉमेडी शोने सगळ्यांचे भरपूर मनोरंजन केले आहे. होय, हा फोटो अर्चना पूरण सिंह हिचा आहे. तिने आपल्या इन्स्टाग्राम अकाऊंटवर शेअर केला आहे. या फोटोसोबत अर्चनाने कॅप्शनमध्ये लिहिले आहे की, '१९८२ बॉम्बे'.  या फोटोवर देखील तारीख पाहायला मिळाली होती.  या फोटोची आठवण सांगताना अर्चना पूरण सिंह हिने लिहिलं की, ‘हातात सूटकेस घेऊन मी पहिल्यांदा मुंबई या शहरात गेलो होते. या फोटोमुळे मला माझा पहिला चित्रपट मिळाला म्हणून माझं नशीबही लिहिलं गेलं. त्यामुळे माझी सुरुवात इथूनच झाली.’

तीन वर्षांत तब्बल १४ वेळा प्रेग्नंट राहिली होती ‘ही’ अभिनेत्री; पण मूल जन्माला घालूच शकली नाही!

ही खरंच तू आहेस का?

अर्चनाच्या या फोटोवर आता लोक भरभरून कमेंट्स करत आहेत. अनेकांनी कमेंटमध्ये लिहिलं की, ‘अर्चना पूर्णपणे बदलली आहे.’  ‘ या खरंच तुम्ही आहात का?’,  ‘तू ब्लॅक अँड व्हाईट चित्रपटांची अभिनेत्री दिसतेस’, अशा कमेंट्स देखील पाहायला मिळत आहेत. अर्चनाला काही लोकांनी ‘टाईमलेस ब्युटी’ असं लिहिलं आहे. काहीजणांनी तिचा हा फोटो ओळखलेला नाही. काहींनी हा फोटो कोणाचा असा प्रश्न विचारला आहे. तर, काही लोकांना अर्चना पूरण सिंह यांच्या 'श्रीमंत श्रीमती'चे दिवस आठवले आहेत.

गाजवलाय ८०-९०चा काळ!

अर्चना पूरण सिंह हिने ८०च्या दशकात ‘निकाह’, ‘जलवा’, ‘वो फिर आएगी’सारख्या चित्रपटांमध्ये काम केले आहे. नव्वदच्या दशकात तिने ‘अग्निपथ’, ‘सौदागर’, ‘राजा हिंदुस्थानी’ यांसारख्या चित्रपटांमध्ये काम केले. शाहरुख खानच्या १९९८मध्ये आलेल्या 'कुछ कुछ होता है' या चित्रपटातील अर्चना पूरण सिंहची भूमिका छोटी पण मनोरंजक होती. अर्चनाने ‘मिसेस ब्रिगेंझा’ची भूमिका साकारली होती, जी आजही लोकांच्या स्मरणात आहे. अर्चनाने सलमान खानच्या ‘किक’मध्ये देवीलालच्या आईची भूमिका साकारली होती. सध्या अर्चना पूरण सिंह कपिल शर्माच्या कॉमेडी शोच्या टीममध्ये आहे. अजूनही तिला लोकांचे भरभरून प्रेम मिळत आहे.