Gadar 3 : सनी देओलच्या 'गदर ३'मध्ये खलनायक कोण असणार? नाना पाटेकरांनी अखेर गुपित उलगडलं!

‘गदर ३’मध्ये खलनायक कोण असणार?

गॉसिप कॉरिडोरनुसार, नाना पाटेकर ‘गदर ३’ या चित्रपटात झळकणार आहेत. मिळालेल्या माहितीनुसार, या चित्रपटात ते खलनायकाची भूमिका साकारताना दिसणार आहे. सनी देओलसोबत खलनायकाची भूमिका करायची असेल, तर सनी देओलने त्याला या सीनमध्ये मारताना दाखवण्यात काहीच अर्थ नाही, असं वक्तव्य नाना पाटेकर यांनी 'लल्लनटॉप'शी बोलताना केलं आहे. कारण, अशावेळी चित्रपटाची कथा दोन वेगवेगळ्या जगात चालवावी लागेल. यासंदर्भात अनिल शर्मा यांच्याशी चर्चा केल्याचे नाना यांनी सांगितले.

Bollywood Nostalgia: ‘डर’च्या सेटवर सनी देओल इतका चिडला की पँटचे खिसेच फाटले! शाहरुख होता रागाचं कारण!

कथेवर अद्याप चर्चा सुरू!

‘गदर ३’बद्दल अद्याप काहीही कन्फर्म झालेले नाही. मात्र, या चित्रपटाचा तिसरा भाग येणार, हे निश्चित झाले आहे. इतकंच नाही तर, अभिनेते नाना पाटेकर यांची यात महत्त्वाची भूमिका असणार आहे. यावेळी जेव्हा नाना पाटेकर यांना विचारण्यात आले की, ‘गदर ३’ या चित्रपटात तुम्ही खलनायकाची भूमिका साकारताना दिसणार का? तर, या प्रश्नाला उत्तर देताना अभिनेत्याने सांगितले की, त्यांनी या कल्पनेवर आधीच चर्चा केली आहे. ‘गदर ३’च्या कथेबद्दल बोलायचे तर, या आधी दाखवण्यात आलेल्या गोष्टी अशा नाहीत की, त्या बदलता येणार नाहीत, असेही ते म्हणाले. 

नाना पाटेकर सध्या आपल्या 'वनवास' या चित्रपटामुळे चर्चेत आहेत, नुकत्याच प्रदर्शित झालेल्या त्यांच्या चित्रपटात ते उत्कर्ष शर्मासोबत काम करताना दिसले आहेत. सिमरत कौर आणि राजपाल यादव देखील या चित्रपटात महत्त्वपूर्ण भूमिका साकारताना दिसले आहेत. त्यांच्या या चित्रपटाला प्रेक्षकांचा चांगला प्रतिसाद मिळताना दिसत आहे. या चित्रपटात पुन्हा एकदा नाना पटेकर यांचा दमदार अभिनय पाहायला मिळाला आहे.