मराठी मालिकांचा सामना रंगणार; तुम्हाला कोणती मालिका आवडतेय? आताच मतदान करा!

मालिका विश्वातील मानाचा आणि झी मराठीवरील मालिकांचा व कलाकारांचा गौरव करणारा सोहळा म्हणजे ‘झी मराठी अवॉर्ड’ लवकरच प्रेक्षकांच्या भेटीला येणार आहेत. दरवर्षीप्रमाणे या वर्षी देखील अतिशय दिमाखदार पद्धतीने हा सोहळा मोठ्या थाटामाटात पार पडणार आहे. प्रेक्षक पसंतीच्या या अवॉर्ड सोहळ्यासाठी मतदान सुरु झाले आहे. कोणता कलाकार, कोणती जोडी, कोणती मालिका, कोणतं कुटुंब सर्वोत्कृष्ट ठरेल याची निवड तुम्ही म्हणजेच प्रेक्षक करणार आहात.
वाचा: लक्ष्मीकांत बेर्डेंचा कोणता गुण आपल्यात यावा? लेक अभिनयचं उत्तर ऐकाच!

यंदा 'अप्पी आमची कलेक्टर', 'सारं काही तिच्यासाठी', 'तू चाल पुढं', 'तुला शिकवीन चांगलाच धडा', 'नवा गडी नवं राज्य', 'सातव्या मुलीची सातवी मुलगी', ‘३६ गुणी जोडी' या मालिकांमध्ये आणि कलाकारांमध्ये चुरस रंगणार आहे. तर काथाबाह्य कार्यक्रमाच्या शर्यतीत 'चला हवा येऊ द्या', 'होम मिनिस्टर', 'वेध भविष्याचा' आणि 'सा रे ग म प लिटिल चॅम्प' हे कार्यक्रम असणार आहेत.

कसं करणार मतदान?

प्रेक्षकांना त्यांच्या आवडत्या मालिकेला मतदान करण्यासाठी झी मराठीच्या ऑफिशिअल फेसबुक (http://bit.ly/ZMA2023) पेज वरून किंवा Zee5 वरून सुद्धा मत नोंदवू शकता. मतदान करण्यासाठी १८ ऑक्टोबरपर्यंतची वेळ देण्यात आली आहे.