Vivek Oberoi: ऐश्वर्या राय आणि विवेक ओबेरॉयचा ब्रेकअप का झाला? काय होते नेमके कारण वाचा

विवेकने सलमानवर केले आरोप

मीडिया रिपोर्ट्सनुसार सलमान हा ऐश्वर्यासोबतच्या रिलेशनशिपबद्दल फार पजेसिव होता. कदाचित त्याच कारणामुळे त्यांचे ब्रेकअप झाला. यामुळे सलमान आणि ऐश्वर्या यांच्यात वादही झाल्याचेही बोलले जाते. परंतु सलमान सोबत ब्रेकअप झाल्यानंतर ऐश्वर्या आणि अभिनेता विवेक ऑबेरॉय एकत्र आले होते. त्यात ऐश्वर्या ही विवेकसोबत सिरीयस रिलेशनशिपमध्ये होती. सगळे काही ठिक सुरु असतानाच एके दिवशी विवेकने प्रेस कॉन्फरन्स घेऊन सलमानवर आरोप केल्यामुळे संपूर्ण बॉलिवूडमध्ये खळबळ उडाली. त्यानंतर विवेकच्या करिअरला उतरती कळा लागली.

ऐश्वर्याने विवेकसोबत केला ब्रेकअप

विवेक ऐश्वर्या यांच्या रिलेशनशिपमुळे सलमान विवेकवर रागावलेला होता. त्यामुळे त्यांच्यात भांडणे झाली आणि विवेकने दोघांचे कॉल रेकॉर्ड जगजाहिर केले. या सगळ्यामुळे ऐश्वर्या फार गोंधळलेली आणि संतापली होती. या घटनेनंतर बॉलिवूडमध्ये मोठा गदारोळ झाला होता. तेव्हापासून विवेकला चित्रपटांत काम मिळणे बंद झाले. त्याचबरोबर ऐश्वर्यानेही विवेकसोबतचे रिलेशनशिप संपवले होते. आणि त्यानंतर काही वर्षांनी बॉलिवूड अभिनेता अभिषेक बच्चन सोबत लग्न केले.
वाचा: 'मला पैसा, ड्रग्ज आणि महिलांचे व्यसन लागले होते', प्रसिद्ध रॅपरचा धक्कादायक खुलासा

एका मुलाखतीत याविषयी बोलताना विवेक म्हणाला होता की 'मला हा गोंधळ करण्यासाठी माझ्या जवळच्या लोकांनी भडकावले होते. 'तेव्हा विवेकचा हा इशारा ऐश्वर्याकडेच होता, असे म्हटले जाते. त्यानंतर अनेक बॉलिवूड सेलिब्रिटी आणि चाहत्यांनी या वादावर प्रतिक्रिया दिली होती तर काहींनी शांत राहणे पसंत केले. त्यावेळी जर विवेक शांत राहिला असता तर ऐश्वर्याने कधीही रिलेशनशिप तोडली नसती असेही मत अनेकांनी मांडले होते.