vikrant massey : आता ती वेळ आल्याचं मला जाणवतंय! यशाच्या शिखरावर चढणारा विक्रांत अभिनय विश्व सोडणार?

आता वेळ आली आहे...

विक्रांत मेस्सीने १ डिसेंबरच्या पहाटे आपल्या अधिकृत इन्स्टाग्राम हँडलवर एक पोस्ट शेअर केली होती. या पोस्टमध्ये अभिनेत्याने लिहिले की, ‘नमस्ते, मागील काही वर्षे आणि त्यानंतरचा काळ विलक्षण होता. आपल्या अखंड पाठिंब्याबद्दल मी तुम्हा सर्वांचे आभार मानतो. पण जसजसे मी पुढे जात आहे, तसतसे मला जाणवू लागले आहे की आता स्वत: ला पुन्हा शस्त्रसज्ज करण्याची आणि घरी परत जाण्याची वेळ आली आहे. एक पती, वडील आणि मुलगा म्हणून आणि अभिनेता म्हणूनही… त्यामुळे २०२५ मध्ये आपण एकमेकांना शेवटचं भेटणार आहोत. जोपर्यंत योग्य वेळ येत नाही. शेवटचे दोन सिनेमे आणि अनेक वर्षांच्या आठवणी. पुन्हा एकदा धन्यवाद. प्रत्येक गोष्टीसाठी आणि मधल्या काळात घडलेल्या प्रत्येक गोष्टीसाठी...  मी कायम ऋणी राहीन.’ यासोबतच अभिनेत्याने हात जोडलेला इमोजीही शेअर केला आहे.

विक्रांत मेस्सीचा चित्रपट विक्रम रचणार! एक-दोन नव्हे तब्बल २० हजार स्क्रीन्सवर रिलीज होणार ‘12th Fail’

अभिनेत्याच्या निर्णयाने चाहत्यांना बसला धक्का!

विक्रांत मेस्सीची ही पोस्ट सोशल मीडियावर विशेषत: त्याच्या चाहत्यांमध्ये खूपच निराशाजनक वातावरण निर्माण करत आहे. तो इतक्या लवकर अभिनयातून निवृत्त होईल, अशी कुणालाही अपेक्षा नव्हती. अनेक युजर्सनी या निर्णयावर कमेंट करत आपला निर्णय योग्य नसल्याचं म्हटलं आहे, तर अनेकांना आता त्यांना पडद्यावर पाहता येत नसल्याच्या दु:ख वाटत असल्याचं म्हटलं आहे. एका युजरने लिहिले की, ‘माझा एकमेव आवडता अभिनेता बॉलिवूड सोडत आहे.’ दुसऱ्या एकाने लिहिलं की, ‘तू आणखी एक मोठा चित्रपट दिला असतास, पण आधीच धक्का दिलास याचं खूप दु:ख आहे.’ एक जण म्हणाला की, ‘मला वाटतं तुझ्या निर्णय योग्य नाही. तू तो बदलशील.’ या पोस्टवर आणखी अनेक कमेंट्स आल्या आहेत, ज्यात युजर्सचा विक्रांतच्या निर्णयावर विश्वास बसत नाहीये.