Union Budget 2024: देशाचं बजेट बघताना खिसाही तपासताय? बॉलिवूडच्या ‘या’ चित्रपटांनी दिलीये पैसा कसा वापरावा याची शिकवण!

घरौंदा

१९७७मध्ये प्रदर्शित झालेल्या ‘घरौंदा’ या चित्रपटात अमोल पालेकर आणि झरिना वहाब यांच्या मुख्य भूमिका होत्या. या चित्रपटातील सुधीर आणि छाया ही जोडी खूप मेहनत करून, थोडे थोडे पैसे साठवून आपलं स्वतःचं घर घेण्याचा प्रयत्न करत असते. मात्र, ते ज्या बिल्डरकडे हे सगळे पैसे जमा करतात, तो बिल्डर फ्रॉड निघतो आणि सगळ्यांना धोका देऊन पळून जातो. त्यामुळे त्यांचं घराचं स्वप्न अर्धवटच राहतं. शिवाय, पैसा अडकून पडल्यामुळे त्यांना मोठा धक्का देखील बसतो. या चित्रपटातून असं दाखवलं गेलं आहे की, रियल इस्टेट मार्केटमध्ये पैसा गुंतवताना बिल्डरचा आणि डेव्हलपरचा पूर्व इतिहास नक्की तपासला पाहिजे.

Viral Video: पाऊसही लपवू शकला नाही बापाचे अश्रू; २० वर्षांच्या लेकीला शेवटचा निरोप देताना ढसाढसा रडला टी-सीरिजचा मालक

अवतार

१९८३ मध्ये राजेश खन्ना आणि शबाना आजमी यांचा ‘अवतार’ हा चित्रपट प्रेक्षकांच्या भेटीला आला होता. या चित्रपटात अवतार किशन आणि त्यांची पत्नी त्यांच्या तीन मुलांचे संगोपन करण्यासाठी भरपूर मेहनत करत असतात. या सुखी कुटुंबात एक दुःखद घटना घडते. एकदा अवतारचा अपघात होतो आणि त्याला वेळेआधीच रिटायर व्हावे लागते. त्याने जमवलेला सगळा पैसा मुलांच्या शिक्षणावर आणि त्यांच्या लग्नावर खर्च केलेला असतो. मात्र, त्यांच्या आयुष्यात एक वेळ अशी येते, जेव्हा ते पूर्णपणे त्यांच्या मुलांवर अवलंबून असतात. मात्र, त्यावेळेस मुलं त्यांना घराबाहेर काढून, त्यांची आयुष्यभराची सगळी कमाई स्वतःकडे ठेवून घेतात. या चित्रपटातून असे सांगण्यात आले आहे की, जेव्हा एखादी व्यक्ती वृद्धत्वाकडे झुकत असते, त्यावेळेस त्या व्यक्तीने आपला सगळा पैसा गुंतवणुकीत न टाकता, स्वतःच्या भविष्याचा विचार करून स्वतःकडे देखील राखून ठेवला पाहिजे.

रोटी, कपडा और मकान

‘रोटी, कपडा और मकान’ हा चित्रपट १९७४मध्ये प्रदर्शित झाला होता. या चित्रपटात मनोज कुमार यांची मुख्य भूमिका होती. ते स्वतः या चित्रपटाचे दिग्दर्शकही होते. घरच्या प्रमुखाच्या आकस्मिक निधनानंतर एका मध्यमवर्गीय कुटुंबाच्या संघर्षाची कहाणी यात दाखवण्यात आली होती. जेव्हा घरात अशी एखादी स्थिती उद्भवते तेव्हा साठवलेला पैसा कसा उपयोगी पडू शकतो, याचे महत्त्व यात अधोरेखित करण्यात आले आहे.