निर्मात्याने ऑस्कर नॉमिनेशनवर उपस्थित केला प्रश्न, प्रियांकाच्या 'अनुजा'वर साधला निशाणा?

विनता नंदा यांनी आपल्या पोस्टमध्ये प्रियांका आणि गुनीतच्या अनुजा या चित्रपटाचे नाव घेतले नसले तरी सोशल मीडिया युजर्सचे म्हणणे आहे की त्यांनी अप्रत्यक्षपणे या सिनेमाचा उल्लेख केला आहे. "आता सिस्टीम खूप वाईट झाली आहे. निर्माते म्हणून ऑस्कर नामांकने आणि पुरस्कार घेऊन क्युरेटर निघून जातात. कलाकार आणि त्यांच्या निर्मात्यांच्या संघर्षाला पूर्णपणे ग्रहण लागते. आपण कोणत्या जगात राहतोय?" असे विनता यांनी म्हटले आहे.

या पोस्टनंतर विनता नंदा यांनी न्यूज १८ लोकमता मुलाखत दिली. या मुलाखतीमध्ये ते म्हणाले, "अनुजाच्या निर्मात्यांची नावे गुनीत आणि प्रियांका कुठेही नमूद करण्यात आली नव्हती. या यादीत पहिल्यांदा दोघांचीही नावे होती. मला खात्री आहे की अनुजा देखील एलिफंट व्हिस्परर्ससारखा खूप चांगला चित्रपट असेल, परंतु वर्षानुवर्षे हे अधिकाधिक सामान्य होत चालले आहे की एखादा चित्रपट तयार झाल्यानंतर अचानक मोठ्या नेटवर्कची नावाजलेली नावे येतात आणि निर्माते बनतात.
वाचा: राम गोपाल वर्मा यांना ३ महिन्यांचा तुरुंगवास, अजामीनपात्र वॉरंट जारी

ते पुढे म्हणाले, 'ते खऱ्या अर्थाने चित्रपटाच्या नफ्याचा आणि व्यवसायाचा भाग बनतात. तांत्रिकदृष्ट्या ते निर्माते नाहीत. त्यांनी व्यासपीठावर जाऊन पुरस्कार स्वीकारू नयेत. त्यांच्या (प्रियांका आणि गुनीत) विरोधात काहीही नाही कारण ते स्वत: प्रतिभावान आहेत आणि त्यांनी त्यांच्या आयुष्यात खूप चांगले काम केले आहे. ते त्या वाईट व्यवस्थेचा भाग आहेत. त्यांना वाटतं की जर प्रियांका चोप्राचं नाव प्रॉडक्टच्या टॉपवर आलं नाही तर मीडिया त्यांना कव्हरेज देणार नाही का? असा प्रश्न उपस्थित करत मी माझी पोस्ट टाकली होती. या सौदेबाजीत काय घडत आहे ते म्हणजे खरे लेखक, दिग्दर्शक आणि निर्माते लक्षात येत नाहीत.'