Toxic Teaser : बर्थडे बॉय यशचा सेक्सी अंदाज! ‘टॉक्सिक’चा टीझर घालतोय सोशल मीडियावर धुमाकूळ
Toxic Teaser Out : सुपरस्टार यशच्या वाढदिवसानिमित्त त्याच्या आगामी चित्रपटाचा टीझर व्हिडिओ आज रिलीज करण्यात आला आहे. ‘केजीएफ’ फेम स्टार पुन्हा एकदा नकारात्मक अवतारात पुनरागमन करण्यासाठी सज्ज झाला आहे.
Yash Movie Toxic Teaser Out : दाक्षिणात्य सुपरस्टार अभिनेता यशच्या वाढदिवसानिमित्त त्याच्या आगामी चित्रपटाचा टीझर व्हिडिओ बुधवारी प्रदर्शित करण्यात आला आहे. 'केजीएफ' आणि 'केजीएफ-२' सारखे ब्लॉकबस्टर हिट चित्रपट देणाऱ्या यशचे चाहते त्याच्या पुढच्या चित्रपटाची आतुरतेने वाट पाहत होते. आता तो पुन्हा एकदा वाढलेली दाढी आणि हिंसेसह ग्रे शेड व्यक्तिरेखा साकारताना दिसणार आहे. गीतू मोहनदास दिग्दर्शित ‘टॉक्सिक’ या चित्रपटाच्या प्रदर्शनाची तारीख अद्याप निश्चित झालेली नाही. टीझर पाहून चित्रपटाविषयी काही गोष्टी स्पष्ट होतात की, ही कथा जुन्या काळात रचली गेली आहे, ज्यात यशची व्यक्तिरेखा ड्रग्ज माफिया किंवा गँगस्टर असू शकते.
या टीझर व्हिडिओमध्ये यश आलिशान विंटेज कारमधून येऊन इटालियन क्लबमध्ये प्रवेश करताना दिसत आहे. सिगारकहा धूर उडवताना त्याची एन्ट्री एकदम पॉवरफुल ठेवण्यात आली असून, या क्लबमधील अनेक जण दारू पिऊन मस्तीने नाचताना दिसत आहेत. क्लबमध्ये सट्टेबाजी आणि नृत्य करत असताना यश डोक्यावर डोके टेकवून प्रवेश करतो आणि नंतर एका डान्सरसोबत रोमँटिक अवतारात दिसतो. यश त्या डान्सरवर वाईनची बाटली ओततो.
२५० कोटी खर्चुन बनवलेला चित्रपट बॉक्स ऑफिसवर सपाटून आपटला, निर्मात्यांनीही कपाळावर हात मारला!
यशच्या वाढदिवसाचं निमित्त...
टीझर व्हिडिओच्या शेवटी यशला वाढदिवसाच्या शुभेच्छा देण्यात आल्या आहेत. मॉन्स्टर माइंड क्रिएशन्सच्या बॅनरखाली बनत असलेल्या या चित्रपटाचा आशय खूपच हिंसक असेल, असा स्पष्ट अंदाज टीझरमध्ये व्यक्त करण्यात आला आहे. पण, कथा आणि इतर सर्व गोष्टी जाणून घेण्यासाठी चाहत्यांना आणखी थोडी वाट पाहावी लागणार आहे. टीझर व्हिडिओवर आलेल्या लोकांच्या प्रतिक्रियेबद्दल बोलत यशने तो आपल्या सोशल मीडिया अकाऊंटवरही पोस्ट केला आहे. यशने टीझर पोस्ट करत लिहिलं, 'आझाद कर दिया.
पाहा टीझर व्हिडिओ :
नेटकऱ्यांनी केल्या भरभरून कमेंट्स
कमेंट सेक्शनमध्ये एका सोशल मीडिया युजरने लिहिले की, ‘हे जग बॉसचे आहे.’ कमेंट बॉक्समध्ये अनेकांनी यशला वाढदिवसाच्या शुभेच्छा दिल्या आणि त्याला 'बॉस' म्हणून संबोधले. एका व्यक्तीने कमेंट केली की, "माझ्या आयुष्यात मला हवा असलेला तू एकमेव टॉक्सिक आहेस.' एका युजरने लिहिले की, ‘जगात दुसरी मोठी गोष्ट घडणार आहे ती म्हणजे यश भाईंचा चित्रपट प्रदर्शित होणार आहे.’ आणखी एका चाहत्याने लिहिले की, ‘आता स्फोट होणार आहे.' काही मिनिटांतच ‘टॉक्सिक’चा हा व्हिडिओ सोशल मीडियावर व्हायरल झाला आहे.’
