‘महाभारत’चा एक भाग बनवण्यासाठी लागायचे ‘इतके’ लाख! नुकसान सहन करून निर्मात्यांनी बनवली मालिका

टाइम्स नाऊच्या वृत्तानुसार, रेणू चोप्रा यांनी सांगितले की, जी कंपनी तिला पहिल्या दोन-तीन भागांसाठी पैसे देत होती, ती कंपनी सहा लाख रुपये देत होती. आणि पहिल्या एपिसोडमध्येच जवळपास ७-८ लाख रुपये खर्च झाले. त्यानंतर रवी त्याच्या वडिलांकडे (बीआर चोप्रा) गेले आणि म्हणाला, 'मी ही मालिका बनवू शकत नाही, मी कितीही केले तरी ते सहा लाखांत एक भाग बनणार नाही'.

बीआर चोप्रा यांनी आपल्या मुलाला काय सल्ला दिला?

रेणू चोप्रा पुढे म्हणाली की, तेव्हा बीआर चोप्रा यांनी  रवी यांना सांगितले की तू बनवत आहेस, तू खुश आहेस का?  तर रवी म्हणाला- हो. यानंतर बीआर चोप्रा यांनी मुलाला सल्ला दिला, "तू मनापासून बनव, पैशांची काळजी करू नकोस, पैसे नंतर येतील." पैशांची अडचण असूनही निर्मात्यांनी ती मालिका बनवली.  

रेणू चोप्रा पुढे म्हणाल्या की, "जेव्हा आम्ही ही मालिका बनवत होतो तेव्हा आम्हाला दर आठवड्याला दोन लाख रुपयांचे नुकसान होत असे. नंतर गोष्टी सुरळीत झाल्या. महाभारत आणि इतर गोष्टींमधून आम्हाला आर्थिक मदत मिळाली म्हणून आम्ही तिथे पोहोचू शकलो आहोत.'