कान्स गाजवल्यानंतर भारतात परतलेल्या छाया कदम यांची पहिली पोस्ट! म्हणाल्या ‘तुमच्यामुळे आज ही छाया...’

Panchayat 3 review: जितेंद्र कुमारने पुन्हा जिंकले मन; तर सहाय्यक कलाकारांनीही दिला आश्चर्याचा धक्का! कसा आहे ‘पंचायत ३’

कान्समध्ये अभिनेत्री छाया कदम यांनी आपल्या अभिनयाचा जलवा तर दाखवलाच. पण, फॅशनच्या बाबतीतही मराठी कुठेच मागे नाही हेही त्यांनी सगळ्यांना दाखवून दिले. कान्स फिल्म फेस्टिव्हलच्या मंचावर भारताची आणि मराठी प्रेक्षकांची मान गर्वाने उंच करणाऱ्या छाया कदम यांचे सर्वसरातून कौतुक होत आहे. कान्स चित्रपट महोत्सवात ‘ऑल वी इमॅजिन ऍज लाईट’ या चित्रपटाचा प्रीमियर होताच या चित्रपटातील कलाकारांना आणि चित्रपटाला उपस्थित मान्यवरांनी उभे राहून मानवंदना दिली आणि टाळ्यांच्या कडकडाटात या अभिनेत्रीचे सर्वांनीच कौतुक केले. हा अभिमानाचा क्षण सध्या सोशल मीडियावर चांगलाच व्हायरल होतोय.

शाहिद कपूर आणि मीरा कपूर यांनी मुंबईत खरेदी केला आलिशान फ्लॅट! किंमत ऐकून डोळे होतील पांढरे

काय म्हणाल्या छाया कदम?

आता छाया कदम यांनी कान्स महोत्सवातील कौतुक सोहळ्यानंतर अभिनेत्री छाया कदम यांनी आपल्या इंस्टाग्राम अकाउंटवर एक पोस्ट शेअर केली आहे. यात पुरस्कार स्वीकारताना काही फोटो शेअर केले आहेत. या फोटोंना कॅप्शन कॅप्शन देताना छाया कदम यांनी अनेकांचे आभार मानले आहेत. त्यांनी आपल्या फोटोंच्या कॅप्शनमध्ये लिहिले की, ‘आपल्या मातीतल्या आपल्या माणसांची गोष्ट आपल्या वाटेला येते तेव्हा, तिच्यात जीव ओतून टाकलेला एक एक क्षण जेव्हा कान्स फिल्म फेस्टीवल उजाळून टाकतो, तेव्हा आपल्या मागच्या सगळ्या प्रवासातल्या सगळ्या सिनेमांची-लेखकांची आणि दिग्दर्शकांची आठवण येते. कारण त्यांनी त्या त्या वेळेस माझ्यावर दाखवलेल्या विश्वासामुळेच, एक एक पाऊल पुढे पडत हा प्रवास इथपर्यंत येऊन पोहचला आहे. माझ्या आजवरच्या प्रवासातल्या सगळ्यांचे खूप खूप आभार. की तुमच्यामुळे आज ही छाया इथवर पोहचली आहे. खूप समाधान - आनंद आणि मन भरून आले.’

त्यांच्या या कॅप्शनने देखील सगळ्यांचीच मनं भरून आली आहेत. या पोस्टमधून त्यांनी आपल्या आजवरच्या प्रवासात महत्त्वाची भूमिका बजावणाऱ्या सगळ्यांचे मनापासून आभार मानले आहेत.

दीपिका पदुकोणने विकला तिचा प्रेग्नन्सी ग्लो दाखवणारा पिवळा गाऊन! किती किंमत मिळाली पाहिलीत का?