Tharala Tar Mag : सायली-अर्जुनच्या हाती पुरावा तर लागला, पण साक्षीचं पुढे काय होणार? ‘ठरलं तर मग’मध्ये काय घडणार?

त्यामुळे तो तुकडा पुराव्यांच्या डब्यात ठेवून, तिघेही आणखी काही मिळतं का याच्या शोधात जातात. इतरत्र तपासणी करू लागतात. दुसरीकडे, सुभेदारांच्या घरात पूर्णा आजी, कल्पना आई, प्रतिमा आत्या, प्रिया, अस्मिता सगळेजण छान टेबलवर बसून कॉफीचा आनंद घेत होते. त्याचवेळी त्यांच्या जुन्या आठवणींना देखील उजाळा मिळणार आहे. मात्र, जुन्या आठवणींचा विषय निघताच प्रतिमा आत्या गोंधळून जातात. सायलीला यायला उशीर होईल का, असं म्हणत त्या सगळ्यांचा विषय बदलणार आहे. दुसरीकडे, प्रिया सायलीच्या हाती काही पुरावा तर लागणार नाही ना, या विचाराने भेदरून गेली आहे.

Tharala Tar Mag : प्रियाचा डाव फसला, अर्जुन-सायलीला मोठा पुरावा सापडला! ‘ठरलं तर मग’मध्ये आज काय घडणार?

पुरावा सापडणार!

आश्रमात तपास करणाऱ्या अर्जुन, चैतन्य आणि सायली यांना आता एक आणखी पुरावा मिळणार आहे. सायली तपासणी करत असताना तिला आश्रमाच्या आतल्या खोलीत एका फॅशन बुटिकच व्हिजिटिंग कार्ड मिळणार आहे. आश्रमात कुणीच असं डिझाईनर आणि महागडे कपडे वापरत नाही, त्यामुळे हे कार्ड नक्की कुठल्यातरी बाहेरच्या व्यक्तीचं आहे, असा अंदाज अर्जुन आणि सायली यांनी बांधला होता. तितक्यात चैतन्य तिथे येऊन हे असले डिझायनर कपडे साक्षी वापरते, मी अनेकदा तिला अशा वेगवेगळ्या डिझायनरच्या बुटिकमध्ये सोडलं आहे, असं म्हणतो. 

तर, अर्जुन ते व्हिजिटिंग कार्ड चैतन्याच्या हातात देऊन, तू या ठिकाणी गेला होतास का? असं विचारतो. यावर चैतन्य म्हणतो की, मी अशा छपन्न ठिकाणी गेलो आहे. त्यामुळे मला नेमकं असं लक्षात नाही. परंतु, या कार्डवरचा पत्ता हा पनवेल मधलाच आहे म्हणजे हे कार्ड साक्षीचं नक्कीच असू शकतं. यानंतर तिघेही मिळवून आता त्या बुटीकमध्ये जाऊन याची तपासणी करणार आहेत.