TMKOC : प्रसूतीच्या वेळी हसत होती दयाबेन; मंत्रजप करत दिला मुलीला जन्म

दयाबेन हे पात्र साकारणारी दिशा वाकानी तिच्या खास अभिनयामुळं व हसण्याच्या हटके शैलीमुळं लोकांची विशेष आवडती ठरली आहे. मालिकेतील गडगडाटी हसण्यासाठी प्रसिद्ध असलेली दयाबेन स्वत:च्या प्रसूतीच्या वेळी देखील हसत होती. इतकंच नव्हे तर मंत्रोच्चार करत होती.

दिशानं स्वत: एका मुलाखतीत हे सांगितलं होतं. दिशानं मालिकेतून ब्रेक घेतला आहे. ती सध्या आपल्या मुलांना आणि कुटुंबाला वेळ देते आहे. तिला एक मुलगा आणि मुलगी आहे. 

हेही वाचा: अर्जुन कपूरच्या बहिणीचा बोल्ड अंदाज! अंशुलाला पाहून सगळेच झाले हैराण

प्रसूतीच्या वेळी अजिबात ओरडले नाही!

एका जुन्या मुलाखतीत दिशा वाकाणीनं तिची प्रेग्नेन्सी व प्रसूतीच्या दिवसातील अनुभवांबद्दल सांगितलं होतं. प्रसूतीच्या वेळी ती हसत होती, असं ती म्हणाली होती. 'जेव्हा मी पहिल्यांदा आई झाले तेव्हा मला कळलं की प्रसूतीदरम्यान खूप वेदना होतात. हे कळल्यानंतर मी घाबरले. मी पालकत्वाचा कोर्स करत होतो. मला कोणीतरी सांगितलं की प्रसूतीच्या वेळी ओरडू नये, नाहीतर मूल घाबरतं. त्यामुळं मी डिलिव्हरीच्या वेळी मंत्र जप केला होता आणि बाळाला जन्म देताना हसत होते, असं ती म्हणाली होती. 

प्रसूतीच्या वेळी या मंत्राचा जप करावा!

'प्रसूतीच्या वेळी मी मनातल्या मनात गायत्री मंत्राचा जप करत होते. डोळे मिटून घेतले होते आणि हसत होते. अशा स्थितीतच मी माझ्या मुलीला स्तुतीला जन्म दिला. हा एक चमत्कार होता. मी प्रत्येक गरोदर मातेला या मंत्राचा जप करण्यास सांगते. यातून जी शक्ती मिळते, ती दुसऱ्या कुठल्याही गोष्टीतून मिळणार नाही. गायत्री मातेचा मंत्र प्रत्येक मुलाला यायला हवा, असं ती म्हणाली होती.

हेही वाचा: टीव्हीच्या 'म्हाळसा'चं डिजिटल विश्वात पदार्पण! न पाहिलेला सह्याद्री दाखवणार अभिनेत्री सुरभी हांडे

अभिनेत्री दिशा वाकानी ही पुन्हा ‘तारक मेहता शो’मध्ये दिसेल अशी चर्चा आहे. तिचे चाहते ती परतण्याची वाट पाहत आहेत. अधूनमधून तशा अफवाही उठत असतात. मात्र, अद्याप तरी अधिकृत कुठलीही घोषणा झालेली नाही.